ປະທານາທິບໍດີລັດເຊຍ ພົບປະກັບທູດພິເສດຂອງປະທານາທິບໍດີອາເມລິກາ ຢູ່ St. Petersburg
ຕອນຄ່ຳວັນທີ 11 ເມສາ, ເວລາ ມົດສະກູ ກົງກັບຕອນເຊົ້າວັນທີ 12 ເມສາ ຕາມເວລາຮ່າໂນ້ຍ, ການພົບປະລະຫວ່າງທ່ານ Vladimir Putin ປະທານາທິບໍດີລັດເຊຍ ແລະ ທ່ານ Steve Witkoff ທູດພິເສດຂອງປະທານາທິບໍດີອາເມລິກາ ໄດ້ສິ້ນສຸດລົງຢູ່ນະຄອນ St. Petersburg, ສະຫະພັນ ລັດເຊຍ.
ນີ້ແມ່ນການພົບປະຄັ້ງທີ 3 ລະຫວ່າງທ່ານປະທານາທິບໍດີລັດເຊຍ Vladimir Putin ແລະທ່ານ Steve Witkoff ທູດພິເສດຂອງທ່ານປະທານາທິບໍດີອາເມລິກາ ແລະໄດ້ແກ່ຍາວປະມານ 4 ຊົ່ວໂມງເຄິ່ງ. ຕາມແຈ້ງການທາງການໃນເວັບໄຊຂອງວັງ Kremlin, ນີ້ແມ່ນການພົບປະລັບ ແລະຫົວເລື່ອງຕົ້ນຕໍແມ່ນບັນດາແງ່ມູມກ່ຽວຂ້ອງເຖິງການຊອກຫາມາດຕະການຢຸດຕິການປະທະກັນຢູ່ ຢູແກຼນ.
ທ່ານ Steve Witkoff ມາຮອດ ລັດເຊຍ ໃນຕອນເຊົ້າວັນທີ 11 ເມສາ, ໃນຕອນບ່າຍຂອງວັນດຽວກັນ, ທ່ານໄດ້ພົບປະກັບທ່ານ Kirill Dmitriev ຜູ້ນຳໜ້າກອງທຶນລົງທຶນໂດຍກົງລັດເຊຍ. ຕາມສຳນັກຂ່າວສານລັດເຊຍ Ria Novosti, ອາເມລິກາ ຖືວ່າ ການເຈລະຈາຄັ້ງຕ່າງໆຂອງທ່ານ Steve Witkoff ຢູ່ ລັດເຊຍ ແມ່ນບາດກ້າວເດີນກ້າວໄປເຖິງການແກ້ໄຂບັນຫາ ຢູແກຼນ.
ແຫຼ່ງຄັດຈາກ: vovworld.vn