ອາເມລິກາ, ມົງໂກນ ແລະ ສ.ເກົາຫຼີ ຈັດກອງປະຊຸມສາມຝ່າຍກ່ຽວກັບບັນຫາ ສປປ.ເກົາຫຼີ
ວັນທີ 2 ມິຖຸນາ, ກະຊວງການຕ່າງປະເທດອາເມລິກາ ໃຫ້ຮູ້ວ່າ ບັນດານັກການທູດຂັ້ນສູງຂອງ ອາເມລິກາ, ມົງໂກນ ແລະ ສ.ເກົາຫຼີ ໄດ້ຈັດກອງປະຊຸມສາມຝ່າຍ ຄັ້ງທຳອິດໃນອາທິດນີ້ ເພື່ອປຶກສາຫາລືກ່ຽວກັບການພັດທະນາກຳລັງຄວາມສາມາດດ້ານນິວເຄຼຍ ແລະລູກສອນໄຟຢ່າງວ່ອງໄວ ຂອງ ສປປ.ເກົາຫຼີ. ທີ່ກອງປະຊຸມ ເຊິ່ງໄດ້ດຳເນີນໃນວັນທີ 30 ພຶດສະພາ ຜ່ານມາຢູ່ນະຄອນຫຼວງ Ulan Bator ຂອງມົງໂກນ, ບັນດານັກການທູດ ໄດ້ເຫັນດີເປັນເອກະພາບກ່ຽວກັບຄວາມຈຳເປັນທີ່ຕ້ອງເຊື່ອມຕໍ່ການເຈລະຈາກັບ ສປປ.ເກົາຫຼີ ຄືນໃໝ່.