ຊູດັງຟື້ນຟູວິວັດການຫັນປ່ຽນພົນລະເຮືອນ
ສປຊ ໄດ້ສະແດງຄວາມຊົມເຊີຍຕໍ່ຂໍ້ຕົກລົງ, ພ້ອມທັງເນັ້ນໜັກວ່າ ຕ້ອງປົກປ້ອງຄວາມເປັນລະບຽບຮຽບຮ້ອຍລັດຖະທຳມະນູນ, ຈາກນັ້ນກໍ່ຮັບປະກັນບັນດາສິດພື້ນຖານ.
    |
 |
|
ທ່ານ Abdel Fattah al-Burhan ຜູ້ບັນຊາການໃຫຍ່ກອງທັບ ຊູດັງ ກັບທ່ານນາຍົກລັດຖະມົນຕີ ຊູດັງ Abdalla Hamdok. ພາບ: AFP/ສໍານັກຂ່າວສານຫວຽດນາມ. |
ວັນທີ 21 ພະຈິກ, ທ່ານ Abdel Fattah al-Burhan ຜູ້ບັນຊາການໃຫຍ່ກອງທັບ ຊູດັງ ໄດ້ລົງນາມຂໍ້ຕົກລົງສະບັບໜຶ່ງກັບທ່ານນາຍົກລັດຖະມົນຕີ Abdalla Hamdok ເພື່ອແນໃສ່ຟື້ນຟູວິວັດການຫັນປ່ຽນພົນລະເຮືອນ. ການກະທຳນີ້ໄດ້ດຳເນີນພາຍຫຼັງເຫດການ ລັດຖະປະຫານການທະຫານ ຢູ່ຊູດັງ ມາເປັນເວລາ 1 ເດືອນ.
ຂໍ້ຕົກລົງດັ່ງກ່າວໂດຍທ່ານ Abdel Fattah al-Burhan ແລະ ທ່ານນາຍົກລັດຖະມົນຕີ Abdalla Hamdok ໄດ້ລົງນາມຢູ່ ນະຄອນຫຼວງ Khartoum. ຂໍ້ຕົກລົງນີ້ອະນຸຍາດໃຫ້ທ່ານ Abdalla Hamdok ດຳລົງຕຳແໜ່ງນາຍົກລັດຖະມົນຕີຄືນໃໝ່ ແລະ ປ່ອຍຕົວບັນດາການນຳພົນລະເມືອງ ຊູດັງເປັນອິດສະຫຼະ. ທ່ານ Abdel Fattah al-Burhan ຢັ້ງຢືນວ່າ ບັນດາການຫາສຽງເລືອກຕັ້ງແບບເສລີ ແລະໂປ່ງໄສ ຈະໄດ້ຮັບການຈັດຕັ້ງຢູ່ ຊູດັງ ຄືສ່ວນໜຶ່ງຂອງວິວັດການຫັນປ່ຽນພົນລະເຮືອນ.
ກໍ່ໃນວັນດຽວກັນ, ສປຊ ໄດ້ສະແດງຄວາມຊົມເຊີຍຕໍ່ຂໍ້ຕົກລົງ, ພ້ອມທັງເນັ້ນໜັກວ່າ ຕ້ອງປົກປ້ອງຄວາມເປັນລະບຽບຮຽບຮ້ອຍລັດຖະທຳມະນູນ, ຈາກນັ້ນກໍ່ຮັບປະກັນບັນດາສິດພື້ນຖານ.
ແຫຼ່ງຄັດຈາກ: vovworld.vn