ຫວຽດນາມ ເປັນປະທານກອງປະຊຸມກຸ່ມຮັບຜິດຊອບຂໍ້ລິເລີ່ມເຊື່ອມຕໍ່ ອາຊຽນ

ພາບປະກອບຈາກສໍານັກຂ່າວສານຫວຽດນາມ.

ກອງປະຊຸມເພື່ອແນໃສ່ກວດກາຄືນສະພາບການຜັນຂະຫຍາຍບັນດາໂຄງການ IAI ແລະສະເໜີມາດຕະການຍົກສູງປະສິດທິຜົນການປະຕິບັດແຜນການວຽກງານ IAI. ປີ 2025 ເປັນຂີດໝາຍບາດກ້າວສຳຄັນໃນຂະນະທີ່ແຜນການວຽກງານ IAI ໄລຍະ IV (2021-2025) ເຂົ້າສູ່ປີສຸດທ້າຍຂອງການຜັນຂະຫຍາຍ ແລະອາຊຽນ ພວມຕັ້ງໜ້າກະກຽມສ້າງແຜນການວຽກງານໄລຍະ V (2026-2030). ທີ່ກອງປະຊຸມ, ກຸ່ມຮັບຜິດຊອບ IAI ເຫັນດີເປັນເອກະພາບເພີ່ມ 4 ໂຄງການຂອງ ຈີນ, ຍີ່ປຸ່ນ ແລະອົດສະຕາລີ ເປັນໂຄງການ IAI, ເຮັດໃຫ້ຈໍານວນໂຄງການຜັນຂະຫຍາຍໃນແຜນການວຽກງານໄລຍະ IV ຂຶ້ນເປັນ 99 ໂຄງການ, ບັນລຸ 70,8% ໂຄງການປະຕິບັດໃນ 5 ຂົງເຂດຍຸດທະສາດ.

ຂໍ້ລິເລີ່ມເຊື່ອມຕໍ່ອາຊຽນ ໄດ້ຮັບການຮັບຮອງເອົາໃນປີ 2000 ເພື່ອແນໃສ່ຮັດແຄບຊ່ອງຫວ່າງການພັດທະນາລະຫວ່າງບັນດາປະເທດອາຊຽນ ແລະຊ່ວຍໃຫ້ບັນດາສະມາຊິກໃໝ່ເຊື່ອມຕໍ່ເຂົ້າພາກພື້ນ.

ໂດຍ: ຈາງຫງວຽນ