ຮັດແໜ້ນການພົວພັນປະຊາຄົມອາຊຽນ
ກປ.ອອນໄລ - ໂດຍໄດ້ຮັບຄໍາເຊີນຂອງທ່່ານນາງ ນາລີ ສີສຸລິດ ພັນລະຍາທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ, ທ່ານນາງ ໂງເຝືອງລີ ພັນລະຍາທ່ານ ໂຕເລິມ ເລຂາທິການໃຫຍ່ຄະນະບໍລິຫານງານພັກກອມມູນິດຫວຽດນາມ ໄດ້ໄປຢ້ຽມຢາມລາວ ແລະເຂົ້າຮ່ວມກອງປະຊຸມສໍາມະນາຕໍ່າແຜ່ນຕັດຫຍິບທີ່ເປັນມູນເຊື້ອອາຊຽນ ຄັ້ງທີ 9 ດ້ວຍຫົວຂໍ້ “ຮັດແໜ້ນການພົວພັນປະຊາຄົມອາຊຽນ ຜ່ານມໍລະດົກວັດທະນະທໍາ ແລະຕໍ່າແຜ່ນຕັດຫຍິບ” ແຕ່ວັນທີ 3 ຫາວັນທີ 6 ພະຈິກ.
    |
 |
|
ຜູ້ແທນຕັດແຖບຜ້າໄຂກອງປະຊຸມສໍາມະນາ. ພາບ: kpl.gov.la |
ທ່ານນາງ ໂງເຝືອງລີ ຕີລາຄາສູງຄວາມໝາຍຂອງກອງປະຊຸມສໍາມະນາດັ່ງກ່າວ ກໍ່ຄືຄວາມງາມ, ຄວາມເປັນເອກະລັກຂອງບັນດາຜະລິດຕະພັນທີ່ໄດ້ວາງສະແດງຢູ່ກອງປະຊຸມສໍາມະນາ; ຊົມເຊີຍລາວ ໃນຖານະຕໍາແໜ່ງປະທານອາຊຽນ 2024 ໄດ້ຈັດຕັ້ງບັນດາການເຄື່ອນໄຫວສໍາເລັດ, ພິເສດແມ່ນບັນດາກອງປະຊຸມສຸດຍອດຂອງອາຊຽນ; ຢັ້ງຢືນວ່າ ການຈັດຕັ້ງກອງປະຊຸມສໍາມະນາຕໍ່າແຜ່ນຕັດຫຍິບທີ່ເປັນມູນເຊື້ອສໍາເລັດຜົນ ຈະປະກອບສ່ວນເຂົ້າໃນຄວາມສໍາເລັດຂອງປີປະທານອາຊຽນ 2024, ສ້າງເງື່ອນໄຂເພີ່ມທະວີການພົບປະແລກປ່ຽນ, ການຮ່ວມມືລະຫວ່າງປະຊາຊົນບັນດາປະເທດອາຊຽນ, ພ້ອມທັງເສີມຂະຫຍາຍ ແລະອະນຸລັກຮັກສາຂະແໜງຕໍ່າແຜ່ນຕັດຫຍິບທີ່ເປັນມູນເຊື້ອຂອງບັນດາປະເທດ.
ໃນຂອບເຂດການຢ້ຽມຢາມລາວ, ທ່ານນາງ ໂງເຝຶອງລີ ພ້ອມກັບທ່ານນາງ ນາລີ ສີສຸລິດ ໄດ້ໄປຢ້ຽມຢາມເຂດວາງສະແດງຜະລິດຕະພັນແພໄໝພື້ນເມືອງ ແລະບາງຮາກຖານວັດທະນະທໍາ, ປະຫວັດສາດຂອງລາວ; ຢ້ຽມຢາມ ແລະມອບຂອງຂວັນສະຫະພັນແມ່ຍິງພິການລາວ ຢູ່ນະຄອນຫຼວງວຽງຈັນ; ຢ້ຽມຢາມວັດ ເຝີດຕິກ, ພົບປະ, ປຸກລະດົມລູກຫຼານຊາວຫວຽດນາມ ອາໄສຢູ່ລາວ ທີ່ປະສົບກັບຄວາມຫຍຸ້ງຍາກ ແລະມອບປຶ້ມ, ເລື່ອງຕ່າງໆທີ່ເປັນພາສາຫວຽດໃຫ້ຫ້ອງຮຽນພາສາຫວຽດ ໂດຍບໍ່ເສຍຄ່າຢູ່ວັດ.
ໂດຍ: ໄຊນີດາ