ເພີ່ມທະວີການໂຄສະນາຄວາມສາມາດບົ່ມຊ້ອນ ແລະພາບພົດເພື່ອຊຸກຍູ້ການຮ່ວມມືລະຫວ່າງບັນດາປະເທດອາຊຽນ ກັບແຂວງກວາງຕຸງ, ຈີນ ກວ່າອີກ
ກປ.ອອນໄລ - ມຸ່ງໄປເຖິງພິທີສະເຫຼີມສະຫຼອງ 57 ປີແຫ່ງວັນສ້າງຕັ້ງສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ), ຫວ່າງແລ້ວນີ້, ສະຖານກົງສູນໃຫຍ່ບັນດາປະເທດອາຊຽນ ປະຈໍາ ກວາງໂຈ, ແຂວງກວາງຕຸງ, ຈີນ ໄດ້ປະຊຸມພາຍໃຕ້ການເປັນປະທານຂອງທ່ານ Iric Cruz Arribas ຫົວໜ້າກົງສູນໃຫຍ່ຟີລິບປິນ ເພື່ອແລກປ່ຽນກ່ຽວກັບທິດທາງຊຸກຍູ້ການຮ່ວມມືແທດຈິງລະຫວ່າງອາຊຽນ ແລະກວາງຕຸງ ເວົ້າສະເພາະ ແລະຈີນ ເວົ້າລວມ.
ເຂົ້າຮ່ວມກອງປະຊຸມມີຫົວໜ້າກົງສູນໃຫຍ່ ແລະຜູ້ຕາງໜ້າສະຖານກົງສູນໃຫຍ່ຂອງ 8 ປະເທດອາຊຽນ, ຄື: ກໍາປູເຈຍ, ອິນໂດເນເຊຍ, ລາວ, ມາເລເຊຍ, ຟີລິບປິນ, ສິງກະໂປ, ໄທ ແລະຫວຽດນາມ.
ກ່າວຄຳເຫັນທີ່ກອງປະຊຸມ, ທ່ານ ຫງວຽນຫວຽດຢຸງ ຫົວໜ້າກົງສູນໃຫຍ່ຫວຽດນາມ ປະຈໍາ ກວາງໂຈ (ຈີນ) ໄດ້ແບ່ງປັນແນວຄິດ, ບົດຮຽນເພື່ອຈັດຕັ້ງວັນອາຊຽນ ຢູ່ກວາງຕຸງ ແລະຜ່ານການເຄື່ອນໄຫວນີ້ແນະນຳໃຫ້ເພື່ອນມິດພາຍໃນ ແລະຕ່າງປະເທດກ່ຽວກັບພື້ນຖານວັດທະນະທຳທີ່ເປັນເອກະລັກສະເພາະຂອງບັນດາປະເທດສະມາຊິກອາຊຽນ, ພ້ອມທັງສະແດງຄວາມສາມັກຄີ ແລະຄວາມມຸ່ງຫວັງພັດທະນາທີ່ເຂັ້ມແຂງຂອງສະມາຄົມ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/08/upload_2122/08072024_th_03.jpg?dpi=150&quality=100&w=500) |
ບັນດາຜູ້ແທນເຂົ້າຮ່ວມກອງປະຊຸມ. ພາບ: baoquocte.vn |
ເນື່ອງໃນໂອກາດນີ້, ສະຖານກົງສູນໃຫຍ່ບັນດາປະເທດອາຊຽນ ປະຈຳ ກວາງໂຈ ກໍ່ວາງເປົ້າໝາຍສ້າງກາລະໂອກາດເຊື່ອມຕໍ່ເພື່ອໃຫ້ບັນດາວິສາຫະກິດ, ຄູ່ຮ່ວມມື ຈີນ ຊອກຮູ້ກ່ຽວກັບນະໂຍບາຍ, ທິດທາງພັດທະນາຂອງປະຊາຄົມອາຊຽນ ແລະສິ່ງແວດລ້ອມ, ກາລະໂອກາດລົງທຶນ, ຮ່ວມມືກັບບັນດາປະເທດອາຊຽນ. ຄາດວ່າເຫດການສະເຫຼີມສະຫຼອງວັນສ້າງຕັ້ງອາຊຽນ ຢູ່ກວາງຕຸງ ຈະດຶງດູດຜູ້ຕາງໜ້າພະແນກ, ຄະນະ, ຂະແໜງການ, ວິສາຫະກິດ, ຄູ່ຮ່ວມມືຂອງແຂວງກວາງຕຸງ ແລະນະຄອນກວາງໂຈ ເຂົ້າຮ່ວມເປັນຈໍານວນຫຼວງຫຼາຍ...
ໃນຂອບເຂດການເຮັດວຽກ, ຜູ້ຕາງໜ້າບັນດາປະເທດອາຊຽນ ກໍ່ໄດ້ປຶກສາຫາລືກ່ຽວກັບທິດທາງເພີ່ມທະວີການພົບປະແລກປ່ຽນ, ການຮ່ວມມືກັບບັນດານະຄອນຂຶ້ນກັບແຂວງກວາງຕຸງ, ຜ່ານນັ້ນຊຸກຍູ້ການກະທົບຊຶ່ງກັນ ແລະກັນຫຼາຍທິດເພື່ອໃຫ້ເພື່ອນມິດ, ຄູ່ຮ່ວມມືຈີນ ເຂົ້າໃຈກ່ຽວກັບອາຊຽນກວ່າ ແລະຊຸກຍູ້ການຮ່ວມມື, ຄວາມສະໜິດຕິດພັນຮອບດ້ານ, ແທດຈິງກວ່າກັບອາຊຽນ.
ໂດຍ: ເຈິ່ນຮວ່ຽນ