ວັນທີ 23 ກັນຍາ ທ່ານນາງເອກອັກຄະລັດຖະທູດ ເລທິຕວຽດມາຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ອົງການການຄ້າໂລກ ແລະບັນດາອົງການສາກົນຢູ່ ເຊີແນວ  (ປະເທດສະວິດ) ໄດ້ເຂົ້າຮ່ວມກອງປະຊຸມຂອງຄະນະກໍາມະການບັນດາປະເທດອາຊຽນ ຢູ່ ເຊີແນວ  ໄດ້ພ້ອມກັບບັນດາເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຂອງບັນດາປະເທດສະມາຊິກອາຊຽນ.

leftcenterrightdel
ທ່ານນາງເອກອັກຄະລັດຖະທູດ ເລທິຕວຽດມາຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ອົງການການຄ້າໂລກ ແລະບັນດາອົງການສາກົນຢູ່ເຊີແນວ (ປະເທດສະວິດ). ພາບ: ສໍານັກຂ່າວສານຫວຽດນາມ

ທີ່ກອງປະຊຸມ, ທ່ານນາງເອກອັກຄະລັດຖະທູດ ເລທິຕວຽດມາຍ ພ້ອມດ້ວຍເອກອັກຄະລັດຖະທູດ ແລະຫົວໜ້າຄະນະຜູ້ຕາງໜ້າຂອງບັນດາປະເທດສະມາຊິກອາຊຽນ ໄດ້ປຶກສາຫາລື ແລະເຫັນດີເປັນເອກະພາບກ່ຽວກັບການເຄື່ອນໄຫວ ແລະຂໍ້ລິເລີ່ມລວມຂອງກຸ່ມ ກໍ່ຄືແບ່ງປັນຂໍ້ລິເລີ່ມ, ຂໍ້ສະເໜີຂອງຫວຽດນາມ ແລະຂອງບາງປະເທດອາຊຽນ ຢູ່ສະພາສິດທິມະນຸດ ຂອງ ສປຊ, ກອງປະຊຸມ ສປຊ ກ່ຽວກັບການຄ້າ ແລະການພັດທະນາ (UNCTAD), ອົງການຊັບສິນທາງປັນຍາໂລກ (WIPO), ອົງການການຄ້າໂລກ (WTO)  ແລະເວທີປາໄສຫຼາຍຝ່າຍອື່ນຢູ່ເຊີແນວ.

ທ່ານນາງເອກອັກຄະລັດຖະທູດ ເລທິຕວຽດມາຍ ໄດ້ແບ່ງປັນກ່ຽວກັບການຕົກລົງອອກສະໝັກເລືອກຕັ້ງຢູ່ບາງເວທີປາໄສ, ພ້ອມທັງສະເໜີບາງປະເທດອາຊຽນ ແລະ ຕີມໍ ແລັດສະເຕ ສະໜັບສະໜູນ ຫວຽດນາມ ອອກສະໝັກເລືອກຕັ້ງປ່ອນບັດເຂົ້າບາງຕໍາແໜ່ງຢູ່ອົງການຈັດຕັ້ງສາກົນຕ່າງໆໃນໄລຍະຈະມາເຖິງ.

ໂດຍ: ໄຊນີດາ