ກ່າວຄໍາເຫັນໄຂພິທີ, ທ່ານ ຫງວຽນມິງຫວູ ຜູ້ຊ່ວຍວຽກລັດຖະມົນຕີການຕ່າງປະເທດຫວຽດນາມ ຕີລາຄາສູງບົດບາດສໍາຄັນຂອງ UNCLOS 1982 - ເຊິ່ງເປັນລັດຖະທໍາມະນູນກ່ຽວກັບທະເລ ແລະມະຫາສະໝຸດ, ໂດຍສະເພາະແມ່ນໃນສະພາບການທີ່ນັບມື້ນັບມີສິ່ງທ້າທາຍຫຼາຍຢ່າງເກີດຂຶ້ນໃນການແກ້ໄຂບັນດາບັນຫາຢູ່ທະເລ, ຮຽກຮ້ອງຕ້ອງມີການຮ່ວມມືສາກົນທີ່ນັບມື້ນັບເລິກເຊິ່ງກວ້າງຂວາງກວ່າ.

leftcenterrightdel
ບັນຍາກາດທີ່ເວທີປາໄສ. ພາບ: cand.com.vn

ແບ່ງປັນທັດສະນະກັບຫວຽດນາມ, ທ່ານນາງ Georgina Roberths ຫົວໜ້າ SOM ARF ຂອງນິວຊີແລນ ໄດ້ຍົກໃຫ້ເຫັນຄຸນຄ່າຂອງທະເລ ແລະມະຫາສະໝຸດ ຕໍ່ກັບສັນຕິພາບ, ຄວາມໝັ້ນຄົງ ແລະການພັດທະນາຂອງພາກພື້ນ, ພ້ອມທັງເນັ້ນໜັກເຖິງຄວາມຈໍາເປັນຂອງການແກ້ໄຂການຂັດແຍ້ງກັນໂດຍສັນຕິວິທີ, ສອດຄ່ອງກັບກົດໝາຍສາກົນ, ໃນນັ້ນມີ UNCLOS 1982. ສ່ວນທ່ານ Thomas Wiersing ຮອງຫົວໜ້າຄະນະຜູ້ຕາງໜ້າອີຢູ ປະຈໍາ ຫວຽດນາມ ກໍໄດ້ເນັ້ນໜັກເຖິງບົດບາດນໍາພາຂອງອາຊຽນ ໃນການຊຸກຍູ້ສັນຕິພາບ ແລະສະຖຽນລະພາບຢູ່ພາກພື້ນ.

ຄຽງຂ້າງນັ້ນ, ອີຢູ ກໍສະໜັບສະໜູນການເຈລະຈາກົດແຫ່ງການປະພຶດຢູ່ທະເລຕາເວັນອອກ (COC) ທີ່ມີຄຸນຄ່າແທດຈິງ ແລະມີຂໍ້ຜູກມັດດ້ານນິຕິກໍາໃຫ້ສໍາເລັດໂດຍໄວ. ທ່ານ Mark Tattersall ອຸປະທູດຊົ່ວຄາວຂອງສະຖານທູດ ອົດສະຕາລີ ປະຈໍາ ສສ ຫວຽດນາມ ກໍເຊີດຊູບົດບາດສໍາຄັນຂອງເວທີປາໄສ ARF ໃນການເຈລະຈາກ່ຽວກັບຄວາມໝັ້ນຄົງ ແລະການຮ່ວມມືຢູ່ພາກພື້ນມະຫາສະໝຸດອິນເດຍ-ປາຊີຟິກ; ຕີລາຄາສູງກອງປະຊຸມສໍາມະນາຄັ້ງນີ້ວ່າ ຂອບເຂດຂອງການປຶກສາຫາລືໄດ້ກວມເອົາຫຼາຍຂົງເຂດດ້ວຍການເຂົ້າຮ່ວມຂອງນັກຮຽນຮູ້, ຊ່ຽວຊານດ້ານ ກົດໝາຍທະເລແຖວໜ້າຂອງພາກພື້ນ ແລະສາກົນ. 

ໂດຍ: ໄຊຊະນະ