ເອກອັກຄະລັດຖະທູດລາວ ໄດ້ຮັບແຕ່ງຕັ້ງເປັນຮອງເລຂາທິການໃຫຍ່ອາຊຽນ
ກປ.ອອນໄລ - ວັນທີ 12 ຕຸລາ, ທ່ານ ເອກະພາບ ພັນທະວົງ, ອະດີດຫົວໜ້າຄະນະຜູ້ຕາງໜ້າລາວ ປະຈຳ ອາຊຽນ ໄດ້ຮັບແຕ່ງຕັ້ງເປັນຮອງເລຂາທິການໃຫຍ່ອາຊຽນ ຮັບຜິດຊອບເສົາຄ້ຳປະຊາຄົມວັດທະນະທຳ-ສັງຄົມ (ASCC).
ທ່ານ ເອກະພາບ ພັນທະວົງ, ຮອງເລຂາທິການໃຫຍ່ອາຊຽນ ຈະຊ່ວຍວຽກເລຂາທິການໃຫຍ່ອາຊຽນ ໃນການປະຕິບັດແຜນແມ່ບົດ ASCC 2025, ຕິດຕາມການຈັດຕັ້ງປະຕິບັດບັນດາໂຄງການໃນຂອບເຂດ ASCC.
    |
 |
|
ທ່ານ ເອກະພາບ ພັນທະວົງ ອະດີດຫົວໜ້າຄະນະຜູ້ຕາງໜ້າລາວ ປະຈຳ ອາຊຽນ. ພາບ: ສຳນັກຂ່າວສານຫວຽດນາມ. |
ທ່ານ ເອກະພາບ ພັນທະວົງ ຈະຮັບດຳລົງຕຳແໜ່ງຮອງເລຂາທິການໃຫຍ່ອາຊຽນ ດ້ວຍອາຍຸການສາມປີນັບແຕ່ປີ 2021 ຫາປີ 2024. ກ່ອນທີ່ຮັບດຳລົງຕຳແໜ່ງຮອງເລຂາທິການໃຫຍ່ອາຊຽນ, ທ່ານແມ່ນເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າລາວ ປະຈຳ ອາຊຽນ ອາຍຸການ 2018-2021. ທ່ານກໍ່ເຄີຍດຳລົງຕຳແໜ່ງຮອງຫົວໜ້າກົມອາຊຽນ ສັງກັດກະຊວງການຕ່າງປະເທດລາວ.
ປະຈຸບັນ, ຄະນະການນຳອາຊຽນ ລວມມີທ່ານ Dato Lim Jock Hoi ເລຂາທິການໃຫຍ່; ທ່ານ Robert Matheus Michael Tene ຮອງເລຂາທິການໃຫຍ່ຮັບຜິດຊອບເສົາຄ້ຳປະຊາຄົມການເມືອງ-ຄວາມໝັ້ນຄົງ, ທ່ານ ເຈິ່ນດຶກບິ່ງ ຮອງເລຂາທິການໃຫຍ່ຮັບຜິດຊອບເສົາຄ້ຳປະຊາຄົມ ແລະພາຍໃນ ແລະທ່ານ ເອກະພາບ ພັນທະວົງ ຮອງເລຂາທິການໃຫຍ່ຮັບຜິດຊອບເສົາຄ້ຳປະຊາຄົມວັດທະນະທຳ-ສັງຄົມ.
ໂດຍ: ແສງເດືອນ