ທ່ານ Hun Sen ຖືວ່າບູລິມະສິດຂອງກຸ່ມໃນປະຈຸບັນນີ້ແມ່ນຮັບປະກັນປະຕິບັດຄວາມມານະພະຍາຍາມຂອງອາຊຽນ ເພື່ອຟື້ນຟູຈາກວິກິດການພະຍາດໂຄວິດ-19 ຢ່າງມີໄຫວພິບກວ່າ, ສືບຕໍ່ເພີ່ມທະວີປະຕິບັດ 5 ຍຸດທະສາດຟື້ນຟູຮອບດ້ານຂອງອາຊຽນ, ລວມມີ: ເພີ່ມທະວີລະບົບສາທາລະນະສຸກ; ເພີ່ມທະວີຄວາມໝັ້ນຄົງໃຫ້ມະນຸດ; ເປີດກວ້າງຄວາມສາມາດບົ່ມຊ້ອນຂອງຕະຫຼາດອາຊຽນ ແລະເຊື່ອມໂຍງເຂົ້າກັບເສດຖະກິດສາກົນໃຫ້ເລິກເຊິ່ງກວ່າ; ຊຸກຍູ້ເຕັກໂນໂລຢີດີຈີຕອນຂໍ້ມູນຂ່າວສານຢ່າງຮອບດ້ານ; ກ້າວໄປເຖິງອະນາຄົດທີ່ຍືນຍົງ ແລະມີໄຫວພິບ.

leftcenterrightdel
ທ່ານ Hun Sen ນາຍົກລັດຖະມົນຕີກໍາປູເຈຍ. ພາບ: ສໍານັກຂ່າວສານຫວຽດນາມ.

ນອກຈາກນັ້ນ, ທ່ານ Hun Sen ກໍ່ສະແດງຄວາມຫວັງຂອງກໍາປູເຈຍ ກ່ຽວກັບວິວັດການສ້າງປະຊາຄົມອາຊຽນ ດ້ວຍເລື່ອງສຸມໃສ່ບັນລຸເປົ້າໝາຍ ແລະຂໍ້ລິເລີ່ມຫຼັກແຫຼ່ງທີ່ໄດ້ເຫັນດີເປັນເອກະພາບໃນແຜນການລະອຽດກ່ຽວກັບສາມເສົາຄໍ້າຂອງອາຊຽນ ໃນປີ 2025, ໃນນັ້ນມີແຜນການສັງລວມກ່ຽວກັບການເຊື່ອມຈອດອາຊຽນ 225 ແລະຂໍ້້ລິເລີ່ມເຊື່ອມໂຍງອາຊຽນ (IAI) ໄລຍະ IV. ທ່ານ ເນັ້ນໜັກວ່າ: “ໃນເວລາດຽວກັນ, ພວກເຮົາໃຫ້ຄໍາໝັ້ນສັນຍາສ້າງອາຊຽນ ໃຫ້ກາຍເປັນພາກພື້ນສໍາຄັນກ່ຽວກັບການຄ້າ, ການລົງທຶນ ແລະລະບົບຕອບສະໜອງທົ່ວໂລກດ້ວຍວີທີສ້າງຜົນປະໂຫຍດໃຫ້ໄດ້ຫຼາຍທີ່ສຸດຈາກສັນຍາການຄ້າເສລີທີ່ມີຢູ່ແລ້ວ ແລະສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ທີ່ຫາກໍ່ລົງນາມໃນມໍ່ໆມານີ້”.

ທ່ານ Hun Sen ຖືວ່າກໍາປູເຈຍ ຕີລາຄາສູງອາຊຽນ ດ້ວຍບົດບາດການຈັດຕັ້ງມີວິໄສທັດເບິ່ງອອກສູ່ໂລກ. ທ່ານ ຮຽກຮ້ອງ: “ພວກເຮົາຈະມານະພະຍາຍາມສາມັກຄີປະເທດອາຊີຕາເວັນອອກສ່ຽງໃຕ້ທັງໝົດໃຫ້ເປັນຄອບຄົວດຽວ, ປັບປຸງການພົວພັນ ແລະຮ່ວມມືຢ່າງເລິກເຊິ່ງ, ກວ້າງຂວາງຕໍ່ກັບຄູ່ຮ່ວມມືພາຍນອກບົນເນື້ອໃນຈິດໃຈສະເໝີພາບ, ຕ່າງຝ່າຍຕ່າງມີຜົນປະໂຫຍດ ແລະເຄົາລົບເຊິ່ງກັນ ແລະກັນ”.

ໂດຍ: ເກື່ອງດັ້ງ