leftcenterrightdel
ທ່ານ ດ່່າວຫງອັກຢູງ ລັດຖະມົນຕີກະຊວງແຮງງານ-ທະຫານເສຍອົງຄະ ແລະສັງຄົມຫວຽດນາມ ກ່າວຄໍາເຫັນທີ່ກອງປະຊຸມທາງໄກ. ພາບ: ຮວ່າງແມັ໊ງ.

ທີ່ກອງປະຊຸມ, ບັນດາລັດຖະມົນຕີໄດ້ປຶກສາຫາລື ແລະເຫັນດີເປັນເອກະພາບຮັບຮອງເອົາຖະແຫຼງການຮ່ວມກ່ຽວກັບການຫຼຸດຜ່ອນຜົນກະທົບຈາກພະຍາດໂຄວິດ-19 ເຖິງບັນດາກຸ່ມຜູ້ຖືກສ່ຽງໄພສູງໃນອາຊຽນ. ບັນດາລັດຖະມົນຕີ AMMSWD ກໍ່ເຫັນດີເປັນເອກະພາບຈະຮ່ວມມືກັນຢ່າງແໜ້ນແຟ້ນໃນບັນດາບັນຫາ, ຄື: ຮັບປະກັນສໍາຜັດກັບສະຫວັດດີການສັງຄົມຢ່າງທັນການ ແລະຈັດແບ່ງແຫຼ່ງກໍາລັງຈາກກອງທຶນສາທາລະນະໃຫ້ແກ່ການໃຊ້ຈ່າຍໃນສັງຄົມຢ່າງເໝາະສົມ; ປົກປ້ອງສິດ, ຄວາມປອດໄພ ແລະຄວາມເປັນກຽດຂອງມະນຸດ; ຮັບປະກັນສຸຂະພາບ ແລະຄວາມປອດໄພຂອງບັນດາພະນັກງານເຮັດວຽກສັງຄົມຢູ່ແນວໜ້າໃນການຮັບມືກັບໂລກພະຍາດ; ເພີ່ມທະວີການຮ່ວມມືລະຫວ່າງຂະແໜງການລະດັບຊາດ ແລະພາກພື້ນ; ກໍ່ສ້າງບັນດາໂຄງການຟື້ນຟູຫຼັງພະຍາດໂຄວິດ-19 ຢ່າງຮອບດ້ານ; ສ້າງບັນດາແຜນການ ແລະມາດຕະການທີ່ມີລັກສະນະຕໍ່ເນື່ອງ...

ກ່າວຄໍາເຫັນທີ່ກອງປະຊຸມ, ທ່ານ ດ່່າວຫງອັກຢູງ, ລັດຖະມົນຕີກະຊວງແຮງງານ-ທະຫານເສຍອົງຄະ ແລະສັງຄົມ ສະເໜີບັນດາປະເທດສະມາຊິກອາຊຽນ ສືບຕໍ່ມານະພະຍາຍາມ, ເພີ່ມທະວີການຮ່ວມມືລະຫວ່າງຂະແໜງການຢູ່ໃນລະດັບຊາດ ແລະພາກພື້ນໃນການປະຕິບັດຖະແຫຼງການຮ່ວມຂອງກອງປະຊຸມໃຫ້ປະກົດຜົນເປັນຈິງ, ພ້ອມທັງຊຸກຍູ້ການຮັບປະກັນຊີວິດສັງຄົມ, ພ້ອມແລ້ວທີ່ຈະຮັບມືກັບບັນດາວິກິດການ, ໄພພິບັດ ແລະໂລກລະບາດເພື່ອຮັບປະກັນບໍ່ໃຫ້ຜູ້ຖືກສ່ຽງໄພສູງຄົນໃດຖືກຄ້າງໄວ້ຢູ່ທາງຫຼັງ.

ໂດຍ: ເກື່ອງດັ້ງ