ປະທານາທິບໍດີ ອາເມລິກາ ສະເໜີເພີ່ມລາຍຈ່າຍດ້ານປ້ອງກັນຊາດຂຶ້ນ, ຫຼຸດການໃຊ້ຈ່າຍທາງພົນລະເຮືອນລົງ
ວັນທີ 3 ເມສາ, ທ່ານ Donald Trump ປະທານາທິບໍດີ ອາເມລິກາ ໄດ້ສະເໜີການຫຼຸດ 10% ລາຍຈ່າຍຂອງບ້ວງເງິນໃດໜຶ່ງທີ່ຢູ່ນອກບ້ວງເງິນດ້ານປ້ອງກັນຊາດໃນປີການເງິນ 2027, ພ້ອມທັງເພີ່ມລາຍຈ່າຍໃຫ້ແກ່ການປ້ອງກັນຊາດຂຶ້ນຕື່ມອີກ 500 ຕື້ໂດລາສະຫະລັດ, ນຳຍອດງົບປະມານດ້ານປ້ອງກັນຊາດ ຂຶ້ນເປັນປະມານ 1.500 ຕື້ໂດລາສະຫະລັດ.
ການກະທຳນີ້ໄດ້ດຳເນີນໃນສະພາບການອາເມລິກາ ສືບຕໍ່ບັ້ນການທະຫານເລັ່ງໃສ່ອີຣານ ແລະຕ້ອງປະເຊີນໜ້າກັບກຳລັງກົດດັນດ້ານເສດຖະກິດພາຍໃນປະເທດ, ພິເສດແມ່ນລາຄາພະລັງງານທີ່ເພີ່ມຂຶ້ນສູງ. ຕາມຂໍ້ສະເໜີແລ້ວ, ງົບປະມານດ້ານປ້ອງກັນຊາດຈະເພີ່ມຂຶ້ນຫຼາຍພໍສົມຄວນເມື່ອທຽບໃສ່ກັບລະດັບປະມານ 1.000 ຕື້ໂດລາສະຫະລັດຂອງປີ 2026, ລວມມີການເພີ່ມເງິນເດືອນໃຫ້ແກ່ນາຍທະຫານທີ່ພວມເຂົ້າຮ່ວມການປະທະກັນ 5-7%.
ໃນຂະນະນັ້ນ, ທຳນຽບຂາວໄດ້ສະເໜີການຫຼຸດລາຍຈ່າຍດ້ານພົນລະເຮືອນລົງຢ່າງແຮງ. ສິ່ງທີ່ເປັນໜ້າສົນໃຈນັ້ນແມ່ນການສະເໜີງົບປະມານບໍ່ເຕື້ອງເຖິງບ້ວງລາຍຈ່າຍພາກບັງຄັບໃຫຍ່ຄືໂຄງການສະຫວັດດີການສັງຄົມ ຫຼື ໂຄງການປະກັນສຸຂະພາບ Medicare ສຳລັບຜູ້ອາຍຸສູງ, ເຊິ່ງໄດ້ຮັບຖືວ່າເປັນເລື່ອງລະອຽດອ່ອນທາງດ້ານການເມືອງ ແລະຍາກທີ່ຈະຫຼຸດລົງໄດ້.
ແຫຼ່ງຄັດຈາກ: vovworld.vn