ອາເມລິກາ-ຢູແກຼນ ປຶກສາຫາລືກ່ຽວກັບແຜນການສັນຕິພາບ 28 ຈຸດ
ວັນທີ 23 ພະຈິກ, ທ່ານລັດຖະມົນຕີການຕ່າງປະເທດອາເມລິກາ Marco Rubio, ທ່ານ Dan Driscoll ລັດຖະມົນຕີທະຫານບົກ ແລະທ່ານ Steve Witkoff ທູດພິເສດຂອງທ່ານປະທານາທິບໍດີ ອາເມລິກາ Donald Trump ໄດ້ມີໜ້າຢູ່ນະຄອນເຊີແນວ, ປະເທດສະວິດ ເພື່ອປຶກສາຫາລືກັບບັນດາເຈົ້າໜ້າທີ່ແຖວໜ້າຂອງ ຢູແກຼນ ກ່ຽວກັບການປຶກສາຫາລືແຜນການສັນຕິພາບ ໂດຍທ່ານປະທານາທິບໍດີ ອາເມລິກາ Donald Trump ໃຫ້ສັດຕະຍາບັນ.
ການພົບປະໄດ້ດຳເນີນໃນສະພາບການຢູແກຼນ ແລະບັນດາພັນທະມິດເອີລົບ ອອກຖະແຫຼງການສັນຕິພາບ 28 ຈຸດ ເຊິ່ງ ອາເມລິກາ ຍົກອອກມາເພື່ອແນໃສ່ຢຸດຕິການປະທະກັນລະຫວ່າງລັດເຊຍ ແລະຢູແກຼນ ແມ່ນປະນິປະນອມໃຫຍ່ໃຫ້ແກ່ຝ່າຍລັດເຊຍ. ໂດຍຕອບສຳພາດຕໍ່ນັກຂ່າວ, ທ່ານລັດຖະມົນຕີການຕ່າງປະເທດ Marco Rubio ໄດ້ຕີລາຄາວ່ານີ້ແມ່ນການປຶກສາຫາລືທີ່ມີປະສິດທິຜົນ ແລະມີຄວາມໝາຍທີ່ສຸດລະຫວ່າງບັນດາເຈົ້າໜ້າທີ່ອາເມລິກາ ແລະຢູແກຼນ. ຕາມທ່ານລັດຖະມົນຕີການຕ່າງປະເທດ Marco Rubio ແລ້ວ, ປັດຈຸບັນ ຍັງມີຫຼາຍວຽກເຮັດງານທຳ ເຊິ່ງ ທັງຝ່າຍອາເມລິກາ ແລະຢູແກຼນ ຕ້ອງສືບຕໍ່ປຶກສາຫາລືເພື່ອມຸ່ງໄປເຖິງຄວາມເຫັນດີເຫັນພ້ອມ.
ແຫຼ່ງຄັດຈາກ: vovworld.vn