ອາ​ເມ​ລິ​ກາ ແລະຢູ​ແກຼນ ປຶກ​ສາ​ຫາ​ລື​ກ່ຽວ​ກັບ​ວິ​ວັດ​ການ​ສັນ​ຕິ​ພາບ ແລະການ​ຮ່ວມ​ມື​ດ້ານ​ປ້ອງ​ກັນ​ຊາດ

ການເຈລະຈາລະຫວ່າງສອງຝ່າຍ. ພາບ: REUTERS/Jonathan Ernst

ທີ່ການເຈລະຈາ, ທ່ານປະທານາທິບໍດີ Donald Trump ສະແດງຄວາມເຊື່ອໝັ້ນວ່າ ວິວັດການເຈລະຈາສັນຕິພາບຢູ່ ຢູແກຼນ ພວມໄດ້ດຳເນີນຢ່າງຖືກທິດ ແລະໂອກາດເພື່ອບັນລຸໄດ້ຂໍ້ຕົກລົງຢຸດຕິການປະທະກັນແມ່ນມີຄວາມເປັນໄປໄດ້ສູງ. ເຖິງຢ່າງໃດກໍຕາມ, ທ່ານ Donald Trump ບໍ່ຢັ້ງຢືນເຖິງກໍລະນີ ຢູແກຼນ ອາດຈະຟື້ນຟູຜືນແຜ່ນດິນອັນຄົບຖ້ວນ, ພ້ອມທັງຖືວ່າ ລັດເຊຍ ພວມມີການກະທຳແກ່ຍາວວິວັດການເຈລະຈາເພື່ອປັບປຸງທີ່ຕັ້ງຂອງຕົນຕື່ມອີກ. ໃນຂົງເຂດປ້ອງກັນຊາດ, ທ່ານປະທານາທິບໍດີ Donald Trump ໃຫ້ຮູ້ວ່າ ອາເມລິກາ ຈະພິຈາລະນາຢ່າງລະມັດລະວັງຄວາມສາມາດສະໜອງລູກສອນໄຟນຳວິຖີ Tomahawk ໃຫ້ແກ່ຢູແກຼນ ແລະສະແດງຄວາມປາດຖະໜາຢາກຊອກຫາວິທີການດີທີ່ສຸດ ເຊິ່ງບໍ່ຕ້ອງນຳໃຊ້ອາວຸດບຸກໂຈມຕີຊະນິດນີ້.

ແຫຼ່ງຄັດຈາກ: vovworld.vn