ບຣິກສ ຂະຫຍາຍການຮ່ວມມືແບບເປີດກວ້າງ ເປີດປະຫວັດສາດໜ້າໃໝ່ລັດທິຫຼາຍຝ່າຍ
ກອງປະຊຸມສຸດຍອດ ຄັ້ງທຳອິດຂອງອົງການ ບຣິກສ ພາຍຫຼັງ ໄດ້ຂະຫຍາຍສະມາຊິກ ຫຼື ກອງປະຊຸມສຸດຍອດ “ບຣິກສ ໃຫຍ່” ໄດ້ຮັບຄວາມສົນໃຈຂອງທົ່ວໂລກ. ຜົນການສຳຫຼວດຄວາມຄິດເຫັນ ຕໍ່ຊາວເນັດ ທົ່ວໂລກ
    |
 |
|
ບຣິກສ ຂະຫຍາຍການຮ່ວມມືແບບເປີດກວ້າງ ເປີດປະຫວັດສາດໜ້າໃໝ່ລັດທິຫຼາຍຝ່າຍ. |
ກອງປະຊຸມສຸດຍອດ ຄັ້ງທຳອິດຂອງອົງການ ບຣິກສ ພາຍຫຼັງ ໄດ້ຂະຫຍາຍສະມາຊິກ ຫຼື ກອງປະຊຸມສຸດຍອດ “ບຣິກສ ໃຫຍ່” ໄດ້ຮັບຄວາມສົນໃຈຂອງທົ່ວໂລກ. ຜົນການສຳຫຼວດຄວາມຄິດເຫັນຕໍ່ຊາວເນັດທົ່ວໂລກ ຂອງວິທະຍຸໂທລະພາບສາກົນຈີນ ຫຼື CGTN ຂອງວິທະຍຸໂທລະພາບສູນກາງຈີນ ຫຼື CMG ສະແດງໃຫ້ເຫັນວ່າ, ຜູ້ຕອບແບບສອບຖາມ 91,2% ເຫັນວ່າ ກົນໄກຮ່ວມມື ກຸ່ມປະເທດ ບຣິກສ ໄດ້ກາຍເປັນກຳລັງສຳຄັນ ທີ່ຊຸກຍູ້ໂລກ ຫັນເປັນຫຼາຍຂົ້ວ ຢ່າງສະເໝີພາບ ແລະ ເປັນລະບຽບ ແລະເສດຖະກິດໂລກາພິວັດ ແບບກວມລວມ ທີ່ໃຫ້ຜົນປະໂຫຍດຢ່າງທົ່ວເຖິງ. ການສຳຫຼວດຄວາມຄິດເຫັນ ສະແດງໃຫ້ເຫັນວ່າ: ຜູ້ຕອບແບບສອບຖາມ 88,9% ຍອມຮັບຖານະບົດບາດຂອງອົງການບຣິກສ ຍົກສູງຂຶ້ນຢ່າງຕໍ່ເນື່ອງ, ຜູ້ຕອບແບບສອບຖາມ 91,2% ເຫັນວ່າ ອົງການ ບຣິກສ ເປັນ “ແຮງຂັບເຄື່ອນ” ທີ່ເລັ່ງການຟື້ນຕົວຄືນໃໝ່ຂອງເສດຖະກິດໂລກ, ຜູ້ຕອບແບບສອບຖາມ 89,1% ເຫັນວ່າ ອົງການບຣິກສ ຈະຊຸກຍູ້ ໃຫ້ລະບົບບໍລິຫານໂລກ ມີປະຊາທິປະໄຕ ແລະຍຸຕິທຳ ກວ່າເກົ່າ, ຜູ້ຕອບແບບສອບຖາມ 90,4% ຕີລາຄາຢ່າງສູງ ຕໍ່ການປະກອບສ່ວນ ຂອງ ສປ ຈີນ ໃນການຮ່ວມມື ກຸ່ມປະເທດ ບຣິກສ, ຄອງຄອຍປະເທດຈີນ ສ້າງກາລະໂອກາດຫຼາຍກວ່າເກົ່າ ໃຫ້ແກ່ປະເທດ “ເຂດໂລກໃຕ້” ເພື່ອຫັນເປັນທັນສະໄໝ. ແບບສອບຖາມການສຳຫຼວດຄວາມຄິດເຫັນຂອງ CGTN ຄັ້ງນີ້ໄດ້ແຈກຢາຍ ໂດຍ ມີພາສາອັງກິດ, ແອັສປາຍ, ຝຣັ່ງ, ອາຣັບ ແລະ ຣັດເຊຍ, ພາຍໃນເວລາ 24 ຊົ່ວໂມງມີຊາວເນັດຫຼາຍກວ່າ 6.541 ຄົນ ເຂົ້າມາຕອບແບບສອບຖາມ ແລະ ສະແດງຄວາມຄິດເຫັນ.
ແຫຼ່ງຄັດຈາກ: kpl.gov.la