ເຈົ້າໜ້າທີ່ການທູດບັນດາປະເທດ ໂຮມປະຊຸມປຶກສາຫາລືການຍົກເລີກຄຳສັ່ງລົງໂທດຕໍ່ ຊີຣີ

ທ່ານ Faisal bin Farhan ລັດຖະມົນຕີການຕ່າງປະເທດ ຊະອຸດີ ອາຣາເບຍ. ພາບ: Al-Arabiya

ກອງປະຊຸມໂດຍມີການເຂົ້າຮ່ວມຂອງນັກການທູດຫຼາຍປະເທດ, ຄື: ຊະອຸດີ ອາຣາເບຍ, ຊີຣີ, ອາເມລິກາ, ອັງກິດ, ເຢຍລະມັນ, ອີຕາລີ, ສະຫະພາບ ເອີລົບ… ໃນຖະແຫຼງການທີ່ໄດ້ຍົກອອກມາພາຍຫຼັງກອງປະຊຸມ, ກະຊວງການຕ່າງປະເທດ ຊະອຸດີ ອາຣັບບີ ໃຫ້ຮູ້ວ່າ, ກອງປະຊຸມ ໄດ້ປຶກສາຫາລືກ່ຽວກັບການຍົກເລີກບັນດາຄຳສັ່ງລົງໂທດສຳລັບ ຊີຣີ, ກໍ່ຄືໜູນຊ່ວຍປະຊາຊົນ ຊີຣີ, ຊ່ວຍເຂົາເຈົ້າສ້າງປະເທດ ອາຣັບ ເອກະພາບ, ເອກະລາດ ແລະ ປອດໄພໃຫ້ແກ່ພົນລະເມືອງທຸກໆຄົນ, ບໍ່ມີລັດທິກໍ່ການຮ້າຍ ແລະ ທຸກການກະທຳລະເມີດອະທິປະໄຕ, ຜືນແຜ່ນດິນອັນຄົບຖ້ວນ. ບັນດານັກການທູດເຂົ້າຮ່ວມກອງປະຊຸມ ກໍ່ຊົມເຊີຍບັນດາມາດຕະການຢ່າງຕັ້ງໜ້າ ເຊິ່ງຄະນະການນຳໃໝ່ຂອງ ຊີຣີ ປະຕິບັດ.

ແຫຼ່ງຄັດຈາກ: vovworld.vn