ຄວາມເຄັ່ງຕຶງ ຢູ່ຕາເວັນອອກກາງ: ອິດສະຣາແອນ ຍັງບໍ່ທັນໄດ້ຮັບຂ່າວຄາວຫຼ້າສຸດກ່ຽວກັບບັນດາຕົວປະກັນຈາກຮາມາດ

ນະຄອນ Khan Younis, ເຂດກາຊາ. ພາບ: THX/TTXVN

ວັນທີ 6 ມັງກອນ, ອິດສະຣາແອນ ໃຫ້ຮູ້ວ່າ: ຍັງບໍ່ທັນໄດ້ຮັບຂ່າວຄາວຫຼ້າສຸດໃດຈາກຂະບວນການຮາມາດ ທີ່ກ່ຽວຂ້ອງເຖິງບັນຊີລາຍຊື່ຕົວປະກັນ 34 ຄົນທີ່ອາດຈະໄດ້ເຫັນດີແລກປ່ຽນໃນຂໍ້ຕົກລົງຢຸດຍິງທີ່ມີຄວາມສາມາດບົ່ມຊ້ອນຢູ່ ເຂດກາຊາ. ບັນຊີລາຍຊື່ໄດ້ຮັບການປະກາດທາງພາຫະນະສື່ມວນຊົນອິດສະຣາແອນ ແລະອີຢິບ ຢ່າງກວ້າງຂວາງລວມມີ: ແມ່ຍິງ ແລະເດັກນ້ອຍ 12 ຄົນ ແລະເພດຊາຍອາຍຸແຕ່ 50 ປີຂຶ້ນໄປແມ່ນ 11 ຄົນ ແລະຊາວໜຸ່ມອີກ 11 ຄົນທີ່ປະສົບກັບບັນຫາສຸຂະພາບບໍ່ດີ. ໃນຖະແຫຼງການ, ຫ້ອງວ່າການນາຍົກລັດຖະມົນຕີ ອິດສະຣາແອນ Benjamin Netanyahu ໄດ້ເນັ້ນໜັກວ່າ ມາຮອດປະຈຸບັນ ອິດສະຣາແອນ ຍັງບໍ່ທັນໄດ້ຮັບໂດຍບໍ່ວ່າການຮັບຮູ້ໃດ ຫຼື ຄຳຕອບໃດຈາກຮາມາດ ກ່ຽວກັບສະພາບການຂອງບັນດາຕົວປະກັນທີ່ມີຊື່ໃນບັນຊີລາຍຊື.

ກ່ຽວຂ້ອງເຖິງສະພາບການຢູ່ຕາເວັນອອກກາງ, ສຳນັກຂ່າວສານ SANA ຂອງຊີຣີ, ວັນທີ 6 ມັງກອນ ໄດ້ຄັດສະເໜີຄຳເຫັນຂອງເຈົ້າໜ້າທີ່ປ້ອງກັນຄວາມສະຫງົບທ່ານໜຶ່ງຢູ່ Homs ຖະແຫຼງວ່າ ໄດ້ສິ້ນສຸດບັ້ນກວາດລ້າງຄວາມບໍ່ປອດໄພຢູ່ເຂດນີ້ ພາຍຫຼັງບັນລຸໄດ້ບັນດາຄາດໝາຍຂອງບັ້ນຮົບ.

ແຫຼ່ງຄັດຈາກ: vovworld.vn