ອີຢູ ແລະອີຣານ ເຊື່ອມຕໍ່ການເຈລະຈານິວເຄຼຍໃນທ້າຍເດືອນ ພະຈິກ

ພາບປະກອບ: GETTY IMAGES/ສໍານັກຂ່າວສານຫວຽດນາມ

ວັນທີ 24 ພະຈິກ, ບັນດາແຫຼ່ງຂ່າວດ້ານການທູດຢັ້ງຢືນວ່າ ປະເທດນີິ້ຈະດຳເນີນການເຈລະຈາກັບ ອັງກິດ, ຝລັ່ງ, ເຢຍລະມັນ (ຫຼືເອີ້ນວ່າກຸ່ມ E3) ແລະສະຫະພາບ ເອີລົບ (ອີຢູ) ໃນວັນທີ 29 ພະຈິກ ຈະມາເຖິງ, ເພື່ອແນໃສ່ຟື້ນຟູຂໍ້ຕົກລົງທີ່ໄດ້ລົງນາມໃນປີ 2015 ລະຫວ່າງ ເຕເຮຣານ ກັບ 6 ປະເທດມະຫາອຳນາດ, ໃນນັ້ນມີກຸ່ມ E3 ແລະອາເມລິກາ.

ຕາມບັນດາແຫຼ່ງຂ່າວແລ້ວ, ຄາດວ່າ ການເຈລະຈາຈະຈັດຂຶ້ນຢູ່ ເຊີແນວ, ປະເທດ ສະວິດ, ເຊິ່ງຈະກົງກັບຈຸດເວລາທ່ານ Donald Trump ກັບຄືນທຳນຽບຂາວໃນເດືອນ ມັງກອນ 2025. ໃນອາຍຸການທຳອິດຂອງທ່ານປະທານາທິບໍດີ Donald Trump, ອາເມລິກາ ໄດ້ຖອນອອກຈາກຂໍ້ຕົກລົງມີຊື່ວ່າ ແຜນການດຳເນີນງານຮ່ວມຢ່າງຮອບດ້ານ (JCPOA) ໃນເດືອນ ພຶດສະພາ 2018, ຈັດວາງບັນດາຄຳສັ່ງລົງໂທດຄືນໃໝ່ ແລະກະຕຸກຊຸກຍູ້ໃຫ້ ອີຣານ ຮັດແຄບຄຳໝັ້ນສັນຍາຈຳນວນໜຶ່ງຂອງຕົນ.

ບັນດາຄວາມມານະພະຍາຍາມເພື່ອຟື້ນຟູຂໍ້ຕົກລົງໄດ້ເລີ່ມຜັນຂະຫຍາຍແຕ່ເດືອນ ເມສາ 2021 ຢູ່ ວຽນ, ປະເທດ ໂອຕາລິດ. ເຖິງຢ່າງໃດກໍ່ຕາມ, ຜ່ານການເຈລະຈາຫຼາຍຄັ້ງ, ບັນດາຝ່າຍຍັງບໍ່ທັນບັນລຸໄດ້ບາດກ້າວຄວາມຄືບໜ້າແຕ່ຢ່າງໃດ.

ແຫຼ່ງຄັດຈາກ: Vovworld.vn