ທ່ານປະທານາທິບໍດີ Joe Biden ແລະທ່ານປະທານາທິບໍດີຜູ້ຊະນະ Donald Trump ຈະພົບປະກັນຢູ່ທຳນຽບຂາວ (ຢູ່ນະຄອນຫຼວງ ວໍຊິງຕັນ) ໃນມື້ວັນພຸດອາທິດໜ້າ. ວັນທີ 9 ພະຈິກ, ທຳນຽບຂາວໄດ້ແຈ້ງໃຫ້ຊາບວ່າ ການພົບປະເພື່ອແນໃສ່ມອບ-ຮັບສິດອຳນາດສັນຕິພາບ.
ທ່ານປະທານາທິບໍດີ Joe Biden ໃຫ້ຮູ້ວ່າ ທ່ານຫາກໍ່ເຊີນທ່ານ Donald Trump ເຂົ້າທຳນຽບຂາວ ແລະໄດ້ຊີ້ນຳໃຫ້ຖັນແຖວຂອງຕົນສົມທົບກັບຖັນແຖວຂອງທ່ານ Donald Trump ເພື່ອແນໃສ່ຮັບປະກັນໃຫ້ການມອບ-ຮັບໜ້າທີ່ວຽກງານໄດ້ດຳເນີນເປັນລະບຽບຮຽບຮ້ອຍ. ວິວັດການມອບ - ຮັບນີ້ ຈະດຳເນີນແຕ່ນີ້ຮອດເວລາທ່ານ Donald Trump ສາບານຕົວຮັບດຳລົງຕຳແໜ່ງໃນວັນທີ 20 ມັງກອນ ປີ 2025 ແລະດຳລົງຕຳແໜ່ງປະທານາທິບໍດີ ທີ 47 ຂອງ ອາເມລິກາ ຢ່າງເປັນທາງການ.
ແຫຼ່ງຄັດຈາກ vovworld.vn
Type the code from the image