ລັດເຊຍ-ຈີນ ຊຸກຍູ້ການພົວພັນສອງຝ່າຍ
ວັນທີ 22 ຕຸລາ, ທ່ານປະທານາທາບໍດີ ລັດເຊຍ Vladimir Putin ໄດ້ມີການເຈລະຈາກັບທ່ານປະທານປະເທດຈີນ ສີຈິ້ນຜິງ ເພື່ອປຶກສາຫາລືບັນດາບັນຫາສອງຝ່າຍ ແລະສາກົນເຊິ່ງຕ່າງຝ່າຍຕ່າງມີຄວາມສົນໃຈ.
    |
 |
|
ທ່ານປະທານາທິບໍດີ ລັດເຊຍ Vladimir Putin. ພາບ: THX/ສໍານັກຂ່າວສານຫວຽດນາມ. |
ຢູ່ນອກກອງປະຊຸມສຸດຍອດ BRICS ທີ່ໄດ້ດຳເນີນຢູ່ນະຄອນ Kazan, ວັນທີ 22 ຕຸລາ, ທ່ານປະທານາທິບໍດີລັດເຊຍ Vladimir Putin ໄດ້ມີການເຈລະຈາກັບທ່ານປະທານປະເທດຈີນ ສີຈິ້ນຜິງ ເພື່ອປຶກສາຫາລືບັນດາບັນຫາສອງຝ່າຍ ແລະສາກົນເຊິ່ງຕ່າງຝ່າຍຕ່າງມີຄວາມສົນໃຈ.
ທ່ານປະທານປະເທດຈີນ ສີຈິ້ນຜິງ ຖືວ່າ ກົນໄກຮ່ວມມື BRICS ແມ່ນກຳລັງຫຼັກແຫຼ່ງໃນການຊຸກຍູ້ໂລກຫຼາຍຂົ້ວຢ່າງມີຄວາມສະເໝີພາບ ແລະມີຄວາມເປັນລະບຽບຮຽບຮ້ອຍ, ກໍ່ຄືການຫັນເສດຖະກິດເປັນໂລກາພິວັດມີຜົນປະໂຫຍດ ແລະມີລັກສະນະກວມລວມ. ການນຳຈີນ ຫວັງວ່າການປຶກສາຫາລືຢ່າງເລິກເຊິ່ງ ແລະກວ້າງຂວາງກັບທ່ານ Putin ແລະບັນດາການນຳອື່ນໆກ່ຽວກັບການພັດທະນາຂອງກົນໄກຮ່ວມມື BRICS ໃນອະນາຄົດ, ເພື່ອແນໃສ່ນຳມາເຊິ່ງກາລະໂອກາດຫຼາຍຢ່າງໃຫ້ແກ່ບັນດາປະເທດຢູ່ຂົ້ວທິດໃຕ້.
ສ່ວນທ່ານປະທານາທິບໍດີ Vladimir Putin ໃຫ້ຮູ້ວ່າ ທ່ານຢາກເພີ່ມທະວີການພົວພັນລະຫວ່າງ ລັດເຊຍ ແລະຈີນ ເພື່ອຊຸກຍູ້ສະຖຽນລະພາບທົ່ວໂລກ. ການຮ່ວມມືລະຫວ່າງ ລັດເຊຍ-ຈີນ ໃນບັນດາບັນຫາຂອງໂລກສວມບົດບາດແມ່ນປັດໄຈຮັກສາສະຖຽນລະພາບບົນເວທີສາກົນ.
ແຫຼ່ງຄັດຈາກ: vovworld.vn