ສປປ.ເກົາຫຼີ ຢັ້ງຢືນຕັດຂາດເສັ້ນທາງເຊື່ອມຕໍ່ກັບ ສ.ເກົາຫຼີ
ວັນທີ 15 ຕຸລາ, ກົມໃຫຍ່ເສນາທິການກອງທັບປະຊາຊົນ ສປປ.ເກົາຫຼີ ໄດ້ປະຕິບັດມາດຕະການຕັດຂາດບັນດາເສັ້ນທາງບົກ ແລະ ລົດໄຟ ຂອງ ສປປ.ເກົາຫຼີ ທີ່ເດີນທາງໄປຍັງ ສ.ເກົາຫຼີ ຜ່ານບັນດາເຂດທາງທິດຕາເວັນອອກ ແລະ ຕາເວັນຕົກ ຂອງຊາຍແດນທາງທິດໃຕ້ຂອງ ສປປ.ເກົາຫຼີ.
|
|
ປະຊາຊົນ ສ.ເກົາຫຼີ ພວມຕິດຕາມຂ່າວກ່ຽວກັບເລື່ອງ ສປປ.ເກົາຫຼີ ຖີ້ມລູກລະເບີດເພື່ອມ້າງທຳລາຍ, ຕັດຂາດເສັ້ນທາງເຊື່ອມຕໍ່ກັບ ສ.ເກົາຫຼີ. ພາບ: TTXVN |
ວັນທີ 17 ຕຸລາ, ສຳນັກຂ່າວສານສູນກາງ ສປປ.ເກົາຫຼີ (KCNA) ໄດ້ໃຫ້ຂ່າວວ່າ ຕາມຄຳຊີ້ນຳຂອງຄະນະພັກການທະຫານສູນກາງພັກແຮງງານ ເກົາຫຼີ, ວັນທີ 15 ຕຸລາ, ກົມໃຫຍ່ເສນາທິການກອງທັບປະຊາຊົນ ສປປ.ເກົາຫຼີ ໄດ້ປະຕິບັດມາດຕະການຕັດຂາດບັນດາເສັ້ນທາງບົກ ແລະລົດໄຟ ຂອງ ສປປ.ເກົາຫຼີ ທີ່ເດີນທາງໄປຍັງ ສ.ເກົາຫຼີ ຜ່ານບັນດາເຂດທາງທິດຕາເວັນອອກ ແລະ ຕາເວັນຕົກ ຂອງຊາຍແດນທາງທິດໃຕ້ຂອງ ສປປ.ເກົາຫຼີ.
ບັນດາເສັ້ນທາງມີຄວາມຍາວທັງໝົດ 120 ແມັດ, ຢູ່ Kamho-ri, ເມືອງ Kosong, ແຂວງ Kangwon ແລະ ຢູ່ Tongnae-ri, ເມືອງ Panmu, ນະຄອນ Kaesong ຖືກຕັດຂາດຢ່າງສິ້ນເຊີງ ດ້ວຍຮູບແບບນຳໃຊ້ລູກລະເບີດ.
ບັນດາເສັ້ນທາງບົກ ແລະທາງລົດໄຟ ນີ້ ເຄີຍແມ່ນເສັ້ນທາງເຊື່ອມຕໍ່ສຳຄັນລະຫວ່າງ ສປປ.ເກົາຫຼີ ແລະ ສ.ເກົາຫຼີ, ໂດຍໄດ້ນຳໃຊ້ສຳລັບບັນດາໂຄງການຮ່ວມມືດ້ານເສດຖະກິດ ແລະໂຄງການມະນຸດສະທຳ.
ແຫຼ່ງຄັດຈາກ: vovworld.vn