ການນຳ ອາເມລິກາ, ຍີ່ປຸ່ນ ໃຫ້ຄຳໝັ້ນສັນຍາປັບປຸງສຳພັນທະມິດສອງຝ່າຍ
ຕາມທ່ານ Biden ແລ້ວ, ກອງທັບສອງປະເທດຈະຮ່ວມມືກັນຕາມກົນໄກບັນຊາການຮ່ວມ ແລະສອງປະເທດຈະພ້ອມກັບອົດສະຕາລີ ພັດທະນາເຄືອຂ່າຍປ້ອງກັນຕົວດ້ວຍລູກສອນໄຟປ້ອງກັນອາກາດໃໝ່. ການນຳສອງທ່ານກໍ່ປະກາດວ່າ ບັນດານັກບິນ ຍີ່ປຸ່ນ ຈະເຂົ້າຮ່ວມພາລະກຳຂຶ້ນສູ່ດວງຈັນຂອງອົງການການບິນອາວະກາດ ອາເມລິກາ (NASA)...
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/11/upload_2123/6f0614f3-e379-4f70-95f7-1c391fd5dad3.jpg?dpi=150&quality=100&w=500) |
ທ່ານປະທານາທິບໍດີ ອາເມລິກາ Joe Biden ແລະທ່ານນາຍົກລັດຖະມົນຕີ ຍີ່ປຸ່ນ Fumio Kishida. ພາບ: AFP |
ວັນທີ 10 ເມສາ, ຕາມເວລາ ວໍຊິງຕັນ (ປະເທດ ອາເມລິກາ), ທ່ານປະທານາທິບໍດີ ອາເມລິກາ Joe Biden ແລະ ທ່ານນາຍົກລັດຖະມົນຕີ ຍີ່ປຸ່ນ Fumio Kishida ໄດ້ປະກາດແຜນການເພີ່ມທະວີການຮ່ວມມືດ້ານການທະຫານຮ່ວມ ແລະລະບົບປ້ອງກັນລູກສອນໄຟລຸ້ນໃໝ່, ເພື່ອແນໃສ່ປັບປຸງການເຊື່ອມຕໍ່ສຳພັນທະມິດສອງຝ່າຍແໜ້ນແຟ້ນນີ້.
ໃນການພົບປະເຈລະຈາແກ່ຍາວເປັນເວລາປະມານ 2 ຊົ່ວໂມງ, ສອງຝ່າຍໄດ້ສຸມໃສ່ປຶກສາຫາລືກ່ຽວກັບພາກພື້ນ ມະຫາສະມຸດອິນເດຍ - ປາຊີຟິກ, ຢູແກຼນ ແລະ ການປະທະກັນຢູ່ເຂດ ກາຊາ. ກ່າວຄຳເຫັນທີ່ການປະຊຸມຂ່າວຢູ່ທຳນຽບຂາວພາຍຫຼັງການພົບປະເຈລະຈາ, ທ່ານປະທານາທິບໍດີ Biden ໄດ້ໃຫ້ຂໍ້ສັງເກດວ່າ: ນີ້ແມ່ນບາດກ້າວຍົກລະດັບສຳຄັນທີ່ສຸດໃນສຳພັນທະມິດຂອງພວກຂ້າພະເຈົ້ານັບແຕ່ເວລາທີ່ໄດ້ຮັບການສ້າງຕັ້ງຂຶ້ນ”. ຕາມທ່ານ Biden ແລ້ວ, ກອງທັບສອງປະເທດຈະຮ່ວມມືກັນຕາມກົນໄກບັນຊາການຮ່ວມ ແລະສອງປະເທດຈະພ້ອມກັບ ອົດສະຕາລີ ພັດທະນາເຄືອຂ່າຍປ້ອງກັນຕົວດ້ວຍລູກສອນໄຟປ້ອງກັນອາກາດໃໝ່. ການນຳສອງທ່ານກໍ່ປະກາດວ່າ ບັນດານັກບິນຍີ່ປຸ່ນຈະເຂົ້າຮ່ວມພາລະກຳຂຶ້ນສູ່ດວງຈັນຂອງອົງການການບິນອາວະກາດອາເມລິກາ (NASA).
ສ່ວນທ່ານນາຍົກລັດຖະມົນຕີ Kishida ໃຫ້ຮູ້ວ່າ: ສອງຝ່າຍກໍ່ປຶກສາຫາລືກ່ຽວກັບການພົວພັນທີ່ເຄັ່ງຕຶງບົນເວທີສາກົນ, ພ້ອມທັງໃຫ້ຄຳໝັ້ນສັນຍາຈະຮັກສາຄວາມເປັນລະບຽບຮຽບຮ້ອຍສາກົນໂດຍອີງໃສ່ກົດໝາຍ. ຕາມແຜນການແລ້ວ, ທ່ານ Kishida ຈະກ່າວຄຳເຫັນຕໍ່ສະພາແຫ່ງຊາດອາເມລິກາ ໃນວັນທີ 11 ເມສາ. ການນຳ ຍີ່ປຸ່ນ ຈະພ້ອມກັບທ່ານ Biden ແລະທ່ານ Ferdinand Marcos Jr, ປະທານາທິບໍດີ ຟິລິບປິນ ເຂົ້າຮ່ວມກອງປະຊຸມສຸດຍອດ 3 ຝ່າຍ.
ແຫຼ່ງຄັດຈາກ: vovworld.vn