leftcenterrightdel
ທ່ານສອນໄຊ ​ສີພັນດອນ ນາຍົກລັດຖະມົນຕີລາວ ຄົນໃໝ່ (ຢູ່ເບື້ອງຊ້າຍ). ພາບ: kpl.gov.la

ທ່ານນາງ ສູນທອນ ໄຊຍະ​ຈັກ​ ຮອງປະທານສະພາແຫ່ງຊາດ ໄດ້ອ່ານໜັງສືສະເໜີຂອງປະທານປະເທດແຫ່ງ ສປປ​ ລາວ ​ກ່ຽວກັບການຂໍພັກການອອກຮັບອຸດໜູນບໍານານຂອງທ່ານ ​ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ (ຍ້ອນບັນຫາສຸຂະພາບ) ແລະຜ່ານໜັງສືສະເໜີຂອງທ່ານປະທານປະເທດ ກ່ຽວກັບການສະເໜີທ່ານ ສອນໄຊ​ ສີພັນດອນ​ ຮອງນາຍົກລັດຖະມົນຕີ ຂຶ້ນເປັນນາຍົກລັດຖະມົນຕີ ແຫ່ງ ສປປ ​ລາວ ​ຜູ້ໃໝ່ ​ໂດຍໄດ້ຮັບການສະໜັບສະໜູນ ແລະເຫັນດີເປັນເອກະພາບຈາກບັນດາສະມາຊິກສະພາແຫ່ງຊາດ ແລະຮັບຮອງເອົາທ່ານ ສອນໄຊ ​ສີພັນດອນ​ ເປັນນາຍົກລັດຖະມົນຕີ ແຫ່ງ ສປປ ​ລາວ ​ຜູ້ໃໝ່ດ້ວຍຄະແນນສ່ຽງເຫັນດີເປັນສ່ວນຫຼາຍ.

ໂອກາດນີ້ທ່ານ ສອນໄຊ ສີພັນດອນ ໄດ້ຂຶ້ນມີຄຳເຫັນກ່າວຮັບໜ້າທີ່ ເຊິ່ງໄດ້ໃຫ້ຄຳໝັ້ນສັນຍາວ່າ ຈະປະຕິບັດໜ້າທີ່ຂອງຕົນດ້ວຍຄວາມຮັບຜິດຊອບສູງ ພາຍໃຕ້ລັດຖະທຳມະນູນ ແລະກົດໝາຍຂອງ ສປປ ລາວ.

ຂ່າວ: ຂ່າວສານປະເທດລາວ