ສະພາບໂລກລະບາດໂຄວິດ - 19 ຢູ່ຫວຽດນາມ ແລະໃນໂລກ
ຕາມເວັບໄຊສະຖິຕິ worldometers.info, ໄລ່ຮອດເວລາ 1 ໂມງຂອງວັນທີ 2 ສິງຫາ (ຕາມເວລາ UTC), ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລວມທັງໝົດເກືອບ 199 ລ້ານຄົນ, ໃນນັ້ນ ມີ ຫຼາຍກວ່າ 4,2 ລ້ານຄົນເສຍຊີວິດ, ໃນນັ້ນ ມີເກືອບ 180 ລ້ານຄົນ ໄດ້ຮັບການປິ່ນປົວຫາຍດີແລ້ວ. ໃນເວລາ 24 ຊົ່ວໂມງຜ່ານມາ, ທົ່ວໂລກມີຜູ້ຕິດເຊື້ອລາຍໃໝ່ຕື່ມອີກ 463.095 ຄົນ ແລະ ມີ 7.244 ຄົນ ເສຍຊີວິດ.
ການແຜ່ລະບາດຮອບທີ 4 ຂອງໂລກລະບາດໂຄວິດ - 19 ພວມລະເບີດຄືນໃໝ່ຢູ່ຫຼາຍປະເທດໃນໂລກ, ດ້ວຍຈຳນວນຜູ້ຕິດເຊື້ອລາຍໃໝ່ພາຍໃນວັນເພີ່ມຂຶ້ນຢ່າງວ່ອງໄວ ເມື່ອທຽບໃສ່ໄລຍະກ່ອນນີ້ 1 ເດືອນ. ໄວຣັດສາຍພັນ Delta ເຊິ່ງກວດພົບຄັ້ງທຳອິດ ຢູ່ ອິນເດຍ ດ້ວຍລະດັບການແຜ່ເຊື້ອຢ່າງໄວວາໄດ້ຮັບຖືວ່າ ແມ່ນສາຍເຫດຕົ້ນຕໍພາໄປເຖິງການແຜ່ລະບາດຮອບໃໝ່ນີ້.
ສະເພາະຢູ່ ຫວຽດນາມ, ຕາມຂ່າວພາກເຊົ້າວັນທີ 2 ສິງຫາ ຂອງກະຊວງສາທາລະນະສຸກ ຫວຽດນາມ ໃຫ້ຮູ້ວ່າ ນັບແຕ່ເວລາ 18 ໂມງ 30 ນາທີ ຂອງວັນທີ 1 ສິງຫາ ຫາເວລາ 6 ໂມງ ຂອງວັນທີ 2 ສິງຫາ, ຫວຽດນາມ ຢັ້ງຢືນມີຜູ້ຕິດເຊື້ອລາຍໃໝ່ຕື່ມອີກ 3.201 ຄົນ, ໃນນັ້ນ ນະຄອນ ໂຮ່ຈີມິນ ມີ 1.997 ຄົນ. ໄລ່ຮອດປັດຈຸບັນ, ຫວຽດນາມ ມີຜູ້ຕິດເຊື້ອລວມທັງໝົດ 157.507 ຄົນ, ໃນນັ້ນ ມີ 43.157 ໄດ້ຮັບການປິ່ນປົວຫາຍດີແລ້ວ.
ກ່ຽວກັບການຜັນຂະຫຍາຍສັກວັກຊິນກັນພະຍາດໂຄວິດ-19, ໄລ່ຮອດປັດຈຸບັນ ຫວຽດນາມ ໄດ້ຜັນຂະຫຍາຍການສັກວັກຊິນລວມທັງໝົດກວ່າ 6,4 ລ້ານໂດສ, ໃນນັ້ນ ມີປະຊາຊົນເກືອບ 660.000 ໄດ້ສັກເຂັມທີ 2 ແລ້ວ.
ແຫຼ່ງຄັດຈາກ: vovworld.vn