ຈີນ ກຽມສົ່ງນັກບິນອາວະກາດຊຸດທຳອິດໄປສະຖານີອາວະກາດແຫ່ງໃໝ່
ຕາມຂ່າວຈາກ ປັກກິ່ງ,ຈີນ ກຽມສົ່ງນັກບິນອາວະກາດ ຊຸດທຳອິດຂອງສະຖານີອາວະກາດ ຊຸດໃໝ່ ອອກເດີນທາງ ສູ່ອາວະກາດ ໃນວັນທີ 17 ມິຖຸນານີ້ ໃນຮອບເກືອບ 5 ປີຂອງຈີນ ຖືເປັນບາດກ້າວສຳຄັນ ເພື່ອມຸ່ງໜ້າສູ່ການເປັນປະເທດມະຫາອຳນາດດ້ານອາວະກາດ ແລະຍັງເປັນການສະແດງຄວາມຍິ່ງໃຫຍ່ຂອງລັດຖະບານຈີນ ພວມກຽມຈັດງານສະເຫລີມສະຫລອງວັນສ້າງຕັ້ງພັກກອມມູນິດຈີນ ຄົບຮອບ 100ປີ ໃນວັນທີ 1 ກໍລະກົດນີ້.
ຈະຫລວດລອງມາສ 2 ເອຟ ພ້ອມນັກບິນອາວະກາດ 3 ຄົນ ໃນຍານອາວະກາດ ເສີນໂຈວ-12 ມີກຳນົດຂຶ້ນສູ່ອາວະກາດທີ່ຖານປ່ອຍຈະຫລວດໃນພື້ນທີ່ທາງຕາເວັນຕົກສ່ຽງເໜືອຂອງທະເລຊາຍໂກບີ ໂດຍນັກບິນອາວະກາດທັງ 3 ຄົນຈະປະຈຳການ 3 ເດືອນ ເທິງສະຖານີອາວະກາດທຽນກົງ ເຊິ່ງຖືເປັນພາລະກິດຂອງນັກບິນອາວະກາດຫລາຍເດືອນ ທີ່ສຸດຂອງຈີນ ເພື່ອປະຕິບັດງານຕ່າງໆ ເປັນຕົ້ນ: ການສຳຫລວດ ອາວະກາດ.
ແຫຼ່ງຄັດຈາກ: kpl.gov.la