ຕາມແຜນການແລ້ວ, ໃນການເດີນທາງຄັ້ງນີ້, ທ່ານ Joe Biden ຈະເຂົ້າຮ່ວມຫຼາຍກອງປະຊຸມສຸດຍອດກັບຄູ່ຕຳແໜ່ງເອີຣົບ ແລະພິເສດແມ່ນຈະມີການພົບປະໂດຍກົງກັບຄູ່ຕຳແໜ່ງລັດເຊຍ Vladimir Putin ເປັນຄັ້ງທຳອິດ.

leftcenterrightdel
ທ່ານປະທານາທິບໍດີອາເມລິກາ Joe Biden ເລີ່ມເດີນທາງໄປປະຕິບັດງານຢູ່ເອີຣົບ ເປັນເວລາ 8 ວັນ. ພາບ: ສໍານັກຂ່າວສານຫວຽດນາມ

ຕາມແຜນການ, ທ່ານ Joe Biden ຈະເດີນທາງໄປຍັງອັງກິດ, ແບນຊິກ ແລະສະວິດ ຕາມລຳດັບ. ນີ້ໄດ້ຮັບຖືວ່າແມ່ນໂອກາດເພື່ອໃຫ້ອາເມລິກາ ປັບປຸງຄືນການພົວພັນຂ້າມອັດລັງຕິກທີ່ຖືກຊຸດໂຊມພາຍໃຕ້ສະໄໝອຳນາດການປົກຄອງຂອງອະດີດປະທານາທິບໍດີ Donald Trump ຄືນໃໝ່ ແລະສ້າງສາຍພົວພັນກັບລັດເຊຍ ຄືນໃໝ່. ເມື່ອຕອບສຳພາດຕໍ່ສື່ມວນຊົນກ່ຽວກັບຈຸດປະສົງຂອງການເດີນທາງຄັ້ງນີ້, ທ່ານ Joe Biden ຢັ້ງຢືນວ່ານີ້ແມ່ນໂອກາດເພື່ອສະແດງກຳລັງແຮງຂອງການພົວພັນສຳພັນທະມິດຂ້າມອັດລັງຕິກ.

ແຫຼ່ງຄັດຈາກ: vovworld.vn