ສາກົນຕີລາຄາສູງຕໍ່ເລື່ອງຫວຽດນາມ ຈັດຕັ້ງວາລະປະຊຸມກ່ຽວກັບລະເບີດບໍ່ທັນ ແຕກຫຼັງສົງຄາມ
ກປ.ອອນໄລ - ນັກຂ່າວຫວຽດນາມ ປະຈໍາ ສປຊ ໄດ້ມີການສຳພາດທ່ານນາງ Ilene Cohn ຜູ້ອຳນວຍການອົງການ ສປຊ ກ່ຽວກັບການເກັບກູ້ ແລະທໍາລາຍລະເບີດບໍ່ທັນແຕກ (UNMAS) ແລະທ່ານນາງເອກອັກຄະລັດຖະທູດ Geraldine Byrne Nason ຫົວຫນ້າຄະນະຜູ້ຕາງຫນ້າອຽກລັງ ປະຈຳ ສປຊ, ເນື່ອງໃນໂອກາດ ຫວຽດນາມ ສິ້ນສຸດເດືອນເປັນປະທານສະພາຄວາມໝັ້ນຄົງ ສປຊ ໃນເດືອນເມສາ 2021.
ຕາມທ່ານນາງ Ilene Cohn ແລ້ວ, ຫວຽດນາມ ໄດ້ຈັດຕັ້ງວາລະປະຊຸມກ່ຽວກັບລະເບີດບໍ່ທັນແຕກຫລັງສົງຄາມແມ່ນຖືກກັບຈຸດເວລາ. ວາລະປະຊຸມນີ້ມີຄວາມໝາຍສຳຄັນທີ່ສຸດ ຍ້ອນສະພາຄວາມໝັ້ນຄົງ ແມ່ນອົງການຮັບຜິດຊອບການແກ້ໄຂບັນຫາຕ່າງໆ ເພື່ອຮັບປະກັນໃນການຮັກສາສັນຕິພາບ ແລະຄວາມໝັ້ນຄົງຂອງໂລກ.
ໃນສະພາບຄວາມອັນຕະລາຍຈາກລະເບີດບໍ່ທັນແຕກຍັງຄົງຕົວ ແລະສືບຕໍ່ນາບຂູ່ປະຊາຊົນໃນໂລກ, ທ່ານນາງ Ilene Cohn ຖືວ່າ ຄວນໃຫ້ບຸລິມະສິດແກ່ບັນຫານີ້ໃນວາລະປະຊຸມ.
|
|
ທ່ານ ບຸ່ຍແທງເຊີນ ລັດຖະມົນຕີການຕ່າງປະເທດຫວຽດນາມ ເປັນປະທານວາລະປະຊຸມ. ພາບ: ສໍານັກຂ່າວສານຫວຽດນາມ |
ເມື່ອເຕື້ອງເຖິງບັນຫາດັ່ງກ່າວ, ທ່ານນາງເອກອັກຄະລັດຖະທູດ Geraldine Byrne Nason ເນັ້ນຫນັກວ່າ ໃນທົ່ວໂລກ, ບັນຫາລະເບີດບໍ່ທັນແຕກບໍ່ພຽງແຕ່ແມ່ນເລື່ອງລາວໃນອະດີດຕະການເທົ່ານັ້ນຫາກຍັງຕົກຄ້າງມາຮອດປະຈຸບັນ. ຍ້ອນເຫດນັ້ນວາລະປະຊຸມກ່ຽວກັບລະເບີດບໍ່ທັນແຕກຫຼັງສົງຄາມ ໂດຍຫວຽດນາມ ຍົກອອກມາລ້ວນແຕ່ແມ່ນບັນຫາທີ່ເຕັມໄປດ້ວຍສິ່ງທ້າທາຍ ເຊິ່ງທົ່ວໂລກພວມປະເຊີນຫນ້າ. ກໍ່ຕາມທ່ານນາງເອກອັກຄະລັດຖະທູດ Geraldine Byrne Nason, ອຽກລັງ ມີການພົວພັນຕ່າງປະເທດທາງການທູດກັບ ຫວຽດນາມ ຄົບຮອບ 25 ປີ ແລ້ວ ແລະຍາມໃດກໍ່ສະໜັບສະໜູນຫວຽດນາມ ແກ້ໄຂບັນຫາລະເບີດບໍ່ທັນແຕກຫຼັງສົງຄາມ.
ໂດຍ: ກວຽດເຕິມ