WB ພ້ອມແລ້ວທີ່ຈະອຸປະຖຳໂດຍດ່ວນໃຫ້ແກ່ປະມານ 30 ປະເທດຢູ່ ອາຟະລິກາ ໄດ້ສຳຜັດກັບວັກຊິນ
ທະນາຄານໂລກ (WB) ພ້ອມແລ້ວທີ່ຈະອຸປະຖຳໂດຍດ່ວນ ເພື່ອໃຫ້ປະມານ 30 ປະເທດຢູ່ທະວີບ ອາຟະລິກາ ໄດ້ສຳຜັດກັບວັກຊິນກັນພະຍາດໂຄວິດ-19, ໃນສະພາບການທີ່ທະວີບນີ້ພວມມານະພະຍາຍາມຮັບປະກັນໃຫ້ມີວັກຊິນ ແລະ ເລີ່ມດຳເນີນການສັກວັກຊິນໃຫ້ແກ່ກຸ່ມຄົນທີ່ມີຄວາມສ່ຽງສູງ.
    |
 |
|
ການສັກວັກຊິນທີ່ໂຮງໝໍ Cape Town ຢູ່ ອາຟະລິກາໃຕ້. ພາບ: ສໍານັກຂ່າວສານຫວຽດນາມ. |
ໄລ່ມາຮອດປັດຈຸບັນ, ມີໜ້ອຍປະເທດຢູ່ທະວີບອາຟະລິກາ ທີ່ຜັນຂະຫຍາຍໂຄງການສັກວັກຊິນກັນພະຍາດໂຄວິດ-19 ແບບທົ່ວເຖິງ, ໃນຂະນະທີ່ມີບາງປະເທດທີ່ຢູ່ເຂດຮັ່ງມີກວ່າໃນໂລກໄດ້ສັກວັກຊິນນັບລ້ານໂດສ. ຫຼາຍປະເທດ ອາຟະລິກາ ຕ້ອງອີງໃສ່ວັກຊິນຜ່ານໂຄງການຈຳໜ່າຍວັກຊິນທົ່ວໂລກ (COVAX) ໂດຍອົງການອະນາໄມໂລກ (WHO) ນຳໜ້າ. ໃນອາທິດໜ້າ, ງວດວັກຊິນທຳອິດຂອງໂຄງການ COVAX ໄດ້ສົ່ງໄປຍັງ Ghana. WB ໃຫ້ຮູ້ວ່າ ບັນດາໂຄງການອຸປະຖຳນີ້ໄດ້ຮັບການກະກຽມໃຫ້ແກ່ບັນດາປະເທດອາຟະລິກາ, ໃນນັ້ນ ມີ ສາທາລະນະລັດ ປະຊາທິປະໄຕ ກົງໂກ, ເອທີໂອປີ, ນີເຊ, ໂມຊຳບິກ, ຕຸຍນີຊີ, ເອວາຕີນີ, ຣູວັນດາ ແລະ ເຊເນການ.
ແຫຼ່ງຄັດຈາກ: vovworld.vn