ພັດທະນາການທ່ອງທ່ຽວສົ່ງເສີມສຸຂະພາບຢູ່ຫວຽດນາມ
ກປ.ອອນໄລ - ນັ້ນແມ່ນຊື່ຂອງກອງປະຊຸມສໍາມະນາທາງອອນລາຍໂດຍສະຖາບັນຄົ້ນຄວ້າພັດທະນາການທ່ອງທ່ຽວ (ກົມໃຫຍ່ທ່ອງທ່ຽວຫວຽດນາມ) ຈັດຕັ້ງໃນວັນທີ 6 ຕຸລາ ຢູ່ຮ່າໂນ້ຍ. ກອງປະຊຸມສໍາມະນາໄດ້ເຊື່ອມຕໍ່ກັບບັນດາອົງການຄຸ້ມຄອງການທ່ອງທ່ຽວຢູ່ຫຼາຍທ້ອງຖິ່ນ, ວິສາຫະກິດທ່ອງທ່ຽວ ແລະສະມາຄົມທີ່ກ່ຽວຂ້ອງຫຼາຍແຫ່ງ...
ກອງປະຊຸມສໍາມະນາໄດ້ໃຫ້ຂໍ້ສັງເກດວ່າ ພະຍາດໂຄວິດ-19 ເກີດຂຶ້ນ ແລະສະພາບມົນລະພິດສິ່ງແວດລ້ອມນັບມື້ນັບເພີ່ມຂຶ້ນເຮັດໃຫ້ຄົນເຮົາຫັນມາເອົາໃຈໃສ່ສົ່ງເສີມສຸຂະພາບຫຼາຍກວ່າ. ສະນັ້ນ, ການທ່ອງທ່ຽວປະເພດນີ້ກໍ່ພັດທະນາໄວ. ບັນດາຜູ້ແທນກໍ່ຕີລາຄາຄວາມຫຍຸ້ງຍາກ, ຄວາມສະດວກ, ກາລະໂອກາດ, ສິ່ງທ້າທາຍໃນການພັດທະນາການທ່ອງທ່ຽວສົ່ງເສີມສຸຂະພາບຢູ່ຫວຽດນາມ; ຍົກອອກຂໍ້ລິເລີ່ມ, ຂໍ້ສະເໜີແນະທີ່ເໝາະສົມເພື່ອພັດທະນາການທ່ອງທ່ຽວສົ່ງເສີມສຸຂະພາບຢູ່ຫວຽດນາມ ຕອບສະໜອງຄວາມຮຽກຮ້ອງຕ້ອງການພັດທະນາການທ່ອງທ່ຽວໃນສະພາບການແກ່ງແຍ້ງ ແລະເຊື່ອມໂຍງເຂົ້າກັບສາກົນ, ເໝາະສົມກັບທ່າອ່ຽງໃໝ່ໃນປະຈຸບັນ.
ໂດຍ: ຈາງຫງວຽນ