ກໍ່ສ້າງສູນບຳລຸງກໍ່ສ້າງໂດຍບໍ່ເສຍຄ່າ
ຢູ່ໃຈກາງເທດສະບານໄກສອນ ພົມວິຫານ, ແຂວງສະຫວັນນະເຂດ (ລາວ) ມີສູນພາສາຫວຽດ ໂດຍນະຄອນດ່ານັ້ງ ລົງທຶນກໍ່ສ້າງແຕ່ປີ 2005. ສູນດັ່ງກ່າວ ລວມມີອາຄານ 2 ຊັ້ນ ແລະຫໍສະໝຸດ, ຫ້ອງເຮັດວຽກຂອງພະນັກງານ, ຫ້ອງດຳເນີນຊີວິດ ແລະຫ້ອງອາຫານ, ມີອຸປະກອນຄົບຊຸດເພື່ອຮັບໃຊ້ການຮຽນ-ການສອນ.
ນັບແຕ່ນັ້ນມາ, ໃນແຕ່ລະປີ, ສູນໄດ້ບຳລຸງກໍ່ສ້າງໂດຍບໍ່ເສຍຄ່າໃຫ້ແກ່ນັກຮຽນນັບຮ້ອຍຄົນ. ນອກຈາກຈຳນວນຄູອາຈານບັນຈຸຂອງສູນ, ແຕ່ລະປີຍັງມີອາຈານ 2 ຄົນມາຈາກຫວຽດນາມ ເພື່ອສອນພາສາຫວຽດ ໂດຍກົງຢູ່ສູນ.
    |
 |
|
ຄູອາຈານ ແລະນັກຮຽນລາວ ທີ່ສູນພາສາຫວຽດ ຢູ່ແຂວງສະຫວັນນະເຂດ. ພາບ: Aling Svt |
ສູນພາສາຫວຽດ ແຂວງສະຫວັນນະເຂດ ບໍ່ພຽງແຕ່ຕອບສະໜອງຄວາມຕ້ອງການຮຽນພາສາຫວຽດ ຂອງເດັກນ້ອຍຊາວຫວຽດນາມ ຢູ່ຕ່າງປະເທດ ເວົ້າສະເພາະ ແລະຊາວລາວ ເວົ້າລວມ ເທົ່ານັ້ນ, ຫາກຍັງເປັນບ່ອນແລກປ່ຽນວັດທະນະທຳລະຫວ່າງລຸ້ນໜຸ່ມຂອງສອງປະເທດອີກດ້ວຍ. ໂດຍຜ່ານການຮ່ຳຮຽນ ແລະ ຝຶກຝົນຫຼໍ່ຫຼອມພາສາຫວຽດ, ບັນດານັກສຶກສາຢູ່ທີ່ນີ້ຈະເຂົ້າໃຈກ່ຽວກັບຮູບພາບປະເທດຊາດ, ວັດທະນະທຳ ແລະປະຊາຊົນຫວຽດນາມ ກວ່າອີກ.
ໂດຍໄດ້ຮູ້ວ່າ, ມາຮອດປະຈຸບັນ, ນະຄອນດ່ານັ້ງ ໄດ້ສ້າງສູນພາສາຫວຽດ 4 ແຫ່ງຢູ່ລາວ. ໃນນັ້ນ, ກໍ່ສ້າງສູນພາສາຫວຽດ 2 ແຫ່ງຢູ່ແຂວງຈຳປາສັກ ແລະສູນພາສາຫວຽດ 1 ແຫ່ງຢູ່ແຂວງສະຫວັນນະເຂດ, ສູນພາສາຫວຽດ 1 ແຫ່ງຢູ່ແຂວງສາລະວັນ.
ຄຽງຂ້າງນະຄອນດ່ານັ້ງ ແລ້ວ, ມະຫາວິທະຍາໄລກືວລອງ ຂອງຫວຽດນາມ ກໍ່ສົມທົບກັບສະຖາບັນເຕັກໂນໂລຢີຂໍ້ມູນ ແລະສື່ສານ, ຂຶ້ນກັບກະຊວງວິທະຍາສາດ ແລະສື່ສານລາວ ເພື່ອກໍ່ສ້າງສູນບຳລຸງກໍ່ສ້າງພາສາຫວຽດ ມິດຕະພາບ UCL-IICT ຢູ່ນະຄອນຫຼວງວຽງຈັນ.
ຈັດສົ່ງອາຈານໄປສອນພາສາຫວຽດ
ແຕ່ລະປີ, ກະຊວງສຶກສາ ແລະກໍ່ສ້າງຫວຽດນາມ ໄດ້ປະກາດຮັບສະໝັກຄູອາຈານຫວຽດນາມ ໄປສອນຢູ່ລາວ. ຕາມແຜນຮ່າງ “ຍົກສູງຄຸນນະພາບ ແລະປະສິດທິຜົນການຮ່ວມມື ຫວຽດນາມ-ລາວ ໃນຂົງເຂດການສຶກສາ ແລະພັດທະນາແຫຼ່ງຊັບພະຍາກອນມະນຸດ ໄລຍະ 2021-2023”, ຫວ່າງມໍ່ໆມານີ້, ໃນເດືອນເມສາ 2024, ກະຊວງສຶກສາ ແລະກໍ່ສ້າງ ໄດ້ປະກາດຮັບສະໝັກອາຈານຊາວຫວຽດນາມ 22 ຄົນໄປສອນພາສາຫວຽດ ຢູ່ລາວ.
ນອກຈາກການສົ່ງອາຈານໄປສອນແລ້ວ, ກະຊວງສຶກສາ ແລະກໍ່ສ້າງຫວຽດນາມ ກໍ່ໄດ້ສົ່ງນັກຊ່ຽວຊານດ້ານການສຶກສາໄປຊ່ວຍລາວ ຮຽບຮຽງຕຳລາສອນ, ບຳລຸງກໍ່ສ້າງຢູ່ກັບທີ່, ອຸປະຖຳກ່ຽວກັບເອກະສານ, ປຶ້ມ, ເປີດກວ້າງບັນດາຮູບແບບບຳລຸງກໍ່ສ້າງຢູ່ຫຼາຍທ້ອງຖິ່ນຂອງລາວ, ປະກອບສ່ວນບຳລຸງສ້າງ ແລະຍົກສູງລະດັບວັດທະນະທໍາຂອງເດັກນ້ອຍບັນດາເຜົ່າຢູ່ເຂດຫ່າງໄກສອກຫຼີກໃນປະເທດລາວ.
ຄຽງຄູ່ກັນນັ້ນ, ບັນດາແຂວງທີ່ມີຊາຍແດນຕິດກັບລາວ ຄື: ດ່ານັ້ງ, ກວາງຈິ້, ກວາງບິ່ງ, ເງະອານ, ຮ່າຕິ້ງ, ແທງຮວ໋າ... ກໍ່ໄດ້ສະໜອງທຶນສຶກສາໃຫ້ນັກສຶກສາລາວໄປຮຽນພາສາຫວຽດ, ສົ່ງອາຈານໄປສອນພາສາຫວຽດ ຢູ່ສູນພາສາຫວຽດ... ໜູນຊ່ວຍຄະນະຜູ້ແທນພະນັກງານ, ຄູອາຈານ ແລະນັກຮຽນຂອງສູນພາສາຫວຽດ ຢູ່ບັນດາແຂວງໄປຝຶກງານ, ຄົ້ນຄວ້າຕົວຈິງຢູ່ບັນດາໂຮງຮຽນຂອງແຂວງ...
ສ້າງຕັ້ງບັນດາສູນຫວຽດນາມວິທະຍາ
ດ້ວຍເນື້ອທີ່ປະມານ 50 ຕາແມັດ, ຕັ້ງຢູ່ໃນບໍລິເວນມະຫາວິທະຍາໄລ Osaka, ຍີ່ປຸ່ນ, ສູນຫວຽດນາມ ວິທະຍາເປັນສະຖານທີ່ຄົ້ນຄວ້າ, ບຳລຸງສ້າງແບບລົງເລິກກ່ຽວກັບການສອນພາສາຫວຽດ, ສະໜອງຂໍ້ມູນ, ຄວາມຮູ້ຫຼາຍດ້ານກ່ຽວກັບຫວຽດນາມ. ສູນດັ່ງກ່າວປະກອບສ່ວນຊຸກຍູ້ຄວາມເຂົ້າໃຈ ແລະການພົວພັນຮ່ວມມືອັນດີງາມລະຫວ່າງຍີ່ປຸ່ນ ແລະຫວຽດນາມ. ໂດຍໄດ້ຮູ້ວ່າ ສູນຫວຽດນາມວິທະຍາ ໂດຍສະມາຄົມສົ່ງເສີມການຮ່ວມມືເສດຖະກິດ ຫວຽດນາມ-ຍີ່ປຸ່ນ ຢູ່ Osaka, ຍີ່ປຸ່ນ ສົມທົບກັບສະຖານກົງສູນໃຫຍ່ຫວຽດນາມ ປະຈໍາ Osaka ເປີດສະຫຼອງໃນວັນທີ 7 ຕຸລາ.
ສາດສະດາຈານ Shimizu Masaky, ຫົວໜ້າພາກວິຊາພາສາຫວຽດ, ຄະນະພາສາຕ່າງປະເທດ, ມະຫາວິທະຍາໄລ Osaka, ຍີ່ປຸ່ນ ໄດ້ສະແດງຄວາມປາດຖະໜາຢາກເພີ່ມທະວີບັນດາຂໍ້ຕົກລົງຮ່ວມມືລະຫວ່າງພາກວິຊາພາສາຫວຽດ, ຄະນະພາສາຕ່າງປະເທດ, ມະຫາວິທະຍາໄລ Osaka ກັບມະຫາວິທະຍາໄລຈຳນວນໜຶ່ງຂອງຫວຽດນາມ ໃນໄລຍະຈະມາເຖິງ. ການເຄື່ອນໄຫວນີ້ ເພື່ອແນໃສ່ແລກປ່ຽນນັກສຶກສາ, ນັກຊ່ຽວຊານ, ນັກວິທະຍາສາດ, ອາຈານລະຫວ່າງໂຮງຮຽນ ແລະຄູ່ຮ່ວມມືຫວຽດນາມ ໃນການສຶກສາ, ຄົ້ນຄວ້າ, ສິດສອນ ແລະເຮັດວຽກຕາມເວລາທີ່ໄດ້ກຳນົດ. ການຮ່ວມມືຈະສວມບົດບາດເປັນຂົວເຊື່ອມຕໍ່ສະມາຄົມຄົ້ນຄ້ວາຫວຽດນາມ ຢູ່ຍີ່ປຸ່ນ ກັບບັນດາຜູ້ຊ່ຽວຊານຫວຽດນາມວິທະຍາຢູ່ຫວຽດນາມ ໃຫ້ນັບມື້ນັບເລິກເຊິ່ງ, ຮອບດ້ານກວ່າອີກ.
|
|
 |
|
ສູນຫວຽດນາມວິທະຍາ ຢູ່ໃນມະຫາວິທະຍາໄລ ລາດຊະວົງ ອຸດອນທານີ. ພາບ: ມາຍຊວນຮຸ່ງ |
ຢູ່ໄທ, ປະຈຸບັນມີສູນຫວຽດນາມວິທະຍາ 2 ແຫ່ງຢູ່ໃນມະຫາວິທະຍາໄລ ລາດຊະວົງ ອຸດອນທານີ ຢູ່ແຂວງອຸດອນທານີ (ພາກຕາເວັນອອກສ່ຽງເໜືອຂອງໄທ) ແລະວິທະຍາໄລນັກຮຽນຮູ້ອາຊີ. ນີ້ແມ່ນບັນດາຮາກຖານສົມທົບກັນເພື່ອຄົ້ນຄວ້າ, ບຳລຸງກໍ່ສ້າງຢ່າງລົງເລິກກ່ຽວກັບຫວຽດນາມ, ສອນພາສາຫວຽດ, ສະໜອງຂໍ້ມູນ, ຄວາມຮູ້ຫຼາຍດ້ານກ່ຽວກັບຫວຽດນາມ, ພ້ອມກັນນັ້ນປະກອບສ່ວນຊຸກຍູ້ການພົວພັນຮ່ວມມືອັນດີງາມລະຫວ່າງໄທ ແລະຫວຽດນາມ.
ຢູ່ກຳປູເຈຍ, ຄະນະຫວຽດນາມວິທະຍາ ຢູ່ມະຫາວິທະຍາໄລ ລາດຊະວົງ ພະນົມເປັນ (RUPP) ກະກຽມໄດ້ຮັບການສ້າງຕັ້ງ. ຄະນະຫວຽດນາມວິທະຍາ ແມ່ນສຳລັບນັກສຶກສາກຳປູເຈຍ ທີ່ຮັບທຶນສຶກສາໄປຮຽນຢູ່ຫວຽດນາມ ແລະບັນດານັກຮຽນ, ນັກສຶກສາອື່ນໆທີ່ຢາກຮຽນພາສາຫວຽດ.
ໂດຍ: ທະນາພອນ