ງານບຸນຊຸດເສື້ອຍາວເຫວ້ປີ 2025 ດ້ວຍຫົວຂໍ້ “ກະແສປະຫວັດສາດ ແລະຄວາມງາມຕະຫຼອດການ” - ເຊິ່ງເປັນເຫດການທຳອິດຂອງສັບປະດາຊຸດເສື້ອຍາວວົງຄະນະຍາດເຫວ້ປີ 2025 ເຊິ່ງຖືກໄຂຂຶ້ນໃນຕອນຄ່ຳວັນທີ 6 ມິຖຸນາ, ຢູ່ວັງ ອານດິ້ງ, ນະຄອນເຫວ້. ຄ່ຳຄືນວັນບຸນຊຸດເສື້ອຍາວໄດ້ເຮັດໃຫ້ຜູ້ຊົມຫວນຄືນໄລຍະປະຫວັດສາດຂອງຊຸດເສື້ອຍາວແຕ່ປາງກ່ອນມາຮອດປັດຈຸບັນ, ດ້ວຍບັນດາຊຸດເສື້ອຍາວທີ່ເປັນເອກະລັກ, ມີຫົວຄິດປະດິດສ້າງ, ເຂັ້ມຂຸ້ນໄປດ້ວຍມູນເຊື້ອ ຫຼືບັນດາຊຸດເສື້ອຍາວມີການອອກແບບໃໝ່ຂອງນັກອອກແບບຫຼາຍຄົນ…

leftcenterrightdel
ຄ່ຳຄືນວັນບຸນຊຸດເສື້ອຍາວໄດ້ເຮັດໃຫ້ຜູ້ຊົມຫວນຄືນໄລຍະປະຫວັດສາດຂອງຊຸດເສື້ອຍາວແຕ່ປາງກ່ອນມາຮອດປັດຈຸບັນ. ພາບ: ສໍານັກຂ່າວສານຫວຽດນາມ

ຈຸດພົ້ນເດັ່ນຂອງຄ່ຳຄືນວັນບຸນຊຸດເສື້ອຍາວແມ່ນການແລກປ່ຽນວັດທະນະທຳ ອາຊີຕາເວັນອອກ - ເຊິ່ງເປັນບ່ອນທີ່ຊຸດເສື້ອຍາວຫວຽດນາມ ໄດ້ປະກວດພ້ອມກັບຊຸດອາພອນຈຳຊາດຂອງ ຍີ່ປຸ່ນ, ສ.ເກົາຫຼີ ແລະ ຈີນ ສະແດງຄວາມງາມ. ໂດຍໄດ້ດຳເນີນແຕ່ວັນທີ 5-15 ມິຖຸນາ, ສັບປະດາຊຸດເສື້ອຍາວວົງຄະນະຍາດເຫວ້ 2025 ລວມມີຫຼາຍກິດຈະກຳພົ້ນເດັ່ນ, ເຊັ່ນ: ຖີບລົດເພື່ອຮັກສາສິ່ງແວດລ້ອມ; ວິວັດທະນາການ “ຫວນຄືນມູນເຊື້ອຊຸດເສື້ອຍາວ”; ການວາງສະແດງອາຊີບຕັດຫຍິບເສື້ອຍາວທີ່ເປັນມູນເຊື້ອ; ລາຍການສະແດງສິລະປະ… ນີ້ບໍ່ພຽງແຕ່ແມ່ນເຫດການເຊີດຊູໜຶ່ງສັນຍາລັກວັດທະນະທຳເທົ່ານັ້ນ, ຫາກຍັງແມ່ນໂອກາດເພື່ອເຊື່ອມຕໍ່ລະຫວ່າງປະເພນີກັບທັນສະໄໝ; ລະຫວ່າງ ເຫວ້ ກັບໂລກ; ປະກອບສ່ວນສຳຄັນເຂົ້າໃນການຢັ້ງຢືນເຄື່ອງໝາຍການຄ້າ “ເຫວ້ - ເມືອງຫຼວງເຊື້ອຍາວຫວຽດນາມ” ອີກດ້ວຍ.

ຂ່າວ: ວິທະຍຸກະຈາຍສຽງຫວຽດນາມ