ວາງສະແດງຮູບພາບ, ສະແຕມ ແລະໂປສກາດ 200 ກວ່າແຜ່ນກ່ຽວກັບປະທານໂຮ່ຈີມິນ
ກປ.ອອນໄລ - ວັນທີ 18 ພຶດສະພາ, ເນື່ອງໃນໂອກາດສະເຫຼີມສະຫຼອງ 135 ປີແຫ່ງວັນຄ້າຍວັນເກີດປະທານ ໂຮ່ຈີມິນ (19-5-1890 / 19-5-2025) ແລະວັນຫໍພິພິທະພັນສາກົນ (18 ພຶດສະພາ), ຫໍພິພິທະພັນນະຄອນໂຮ່ຈີມິນ ໄດ້ເປີດງານວາງສະແດງດ້ວຍຫົວຂໍ້ “ການເດີນທາງຕາມຮອຍຕີນຂອງລຸງໂຮ່ ຜ່ານສະສົມສະແຕມ ແລະໂປສກາດ”.
    |
 |
|
ບັນດາຜູ້ແທນ, ຜູ້ຊົມເຂົ້າຢ້ຽມຊົມງານວາງສະແດງຢູ່ຫໍພິພິທະພັນນະຄອນໂຮ່ຈີມິນ. ພາບ: qdnd.vn |
ງານວາງສະແດງໄດ້ແນະນຳຮູບພາບ, ສະແຕມ ແລະໂປສກາດ 200 ກວ່າແຜ່ນ, ແບ່ງອອກເປັນ 3 ພາກສ່ວນຕົ້ນຕໍ, ຄື: “ປະທານໂຮ່ຈີມິນ ໃນທຸກສະໄໝ”, “ການເດີນທາງຕາມຮອຍຕີນຂອງລຸງໂຮ່”, “ລຸງໂຮ່ ໃນດວງໃຈປະຊາຊົນຫວຽດນາມ ແລະເພື່ອນມິດສາກົນ”. ໃນນັ້ນ, ງານວາງສະແດງມີການສະສົມສະແຕມອັນລ້ຳຄ່າທີ່ໄດ້ພິມຈຳໜ່າຍໃນວັນທີ 19 ພຶດສະພາ 1960 ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນຄ້າຍວັນເກີດຂອງລຸງໂຮ່. ນອກຈາກນັ້ນ, ງານວາງສະແດງກໍ່ໄດ້ສະແດງໃຫ້ເຫັນຮູບພາບລຸງໂຮ່ ທີ່ໄດ້ຮັບການແນະນໍາຜ່ານສະແຕມຂອງຫຼາຍປະເທດໃນທົ່ວໂລກ ເຊັ່ນ: ລັດເຊຍ, ເຢຍລະມັນ, ລາວ, ກຳປູເຈຍ... ງານວາງສະແດງຈະດຳເນີນໄປຮອດວັນທີ 18 ມິຖຸນາ.
ໂດຍ: ຈາງຫງວຽນ