ດ່ານັ້ງ ສົ່ງເສີມການລົງທຶນຈາກ ເອີລົບ
ໃນລະຫວ່າງວັນທີ 6 -17 ກັນຍາ, ຄະນະປະຕິບັດງານຂອງການນຳນະຄອນດ່ານັ້ງ ໂດຍທ່ານ ເລືອງຫງວຽນມິງຈ໊ຽດ, ຮອງເລຂາຜູ້ປະຈຳການຄະນະພັກ, ປະທານສະພາປະຊາຊົນນະຄອນ ນຳໜ້າ, ໄດ້ເຮັດວຽກຢູ່ໂຮນລັງ, ລາຊະອານາຈັກອັງກິດ, ເຢຍລະມັນ ເພື່ອສົ່ງເສີມການລົງທຶນ.
|
|
ພິທີເຊັນບົດບັນທຶກຊ່ວຍຈຳລະຫວ່າງດ່ານັ້ງ ແລະ Bremen. ພາບ: vov.vn. |
ທີ່ລາຊະອານາຈັກອັງກິດ, ຄະນະໄດ້ຈັດຕັ້ງການໂອ້ລົມສົນທະນາ “ດ່ານັ້ງ Business Roundtable” ເພື່ອແນໃສ່ໂຄສະນາກ່ຽວກັບສະພາບແວດລ້ອມການລົງທຶນ, ການຄ້າ, ການທ່ອງທ່ຽວ ແລະແນະນຳບາງໂຄງການຈຸດສຸມ, ຮຽກຮ້ອງການລົງທຶນຂອງນະຄອນດ່ານັ້ງ ມາຍັງບັນດາວິສາຫະກິດ, ນັກລົງທຶນທີ່ມີຄວາມສາມາດບົ່ມຊ້ອນຢູ່ລາຊະອານາຈັກອັງກິດ.
ທີ່ເຢຍລະມັນ, ຄະນະປະຕິບັດງານໄດ້ເຂົ້າຮ່ວມກອງປະຊຸມສຳມະນາສົ່ງເສີມການລົງທຶນເຂົ້າດ່ານັ້ງ. ການນຳນະຄອນດ່ານັ້ງ ຢັ້ງຢືນວ່າ ໃນໄລຍະຈະມາເຖິງ, ການກຳນົດທິດດຶງດູດການລົງທຶນໂດຍກົງຈາກຕ່າງປະເທດຂອງນະຄອນດ່ານັ້ງ ແມ່ນສືບຕໍ່ໃຫ້ບຸລິມະສິດດຶງດູດບັນດາໂຄງການຂຶ້ນກັບບັນດາຂະແໜງ, ຂົງເຂດເຕັກໂນໂລຊີສູງ, ກ້າວໜ້າ, ເຕັກໂນໂລຢີເປັນມິດກັບສິ່ງແວດລ້ອມ, ພະລັງງານສະອາດ, ພະລັງງານຜະລິດຄືນໃໝ່; ພັດທະນາໂຄງປະກອບພື້ນຖານໂຄງລ່າງເຕັກນິກທັນສະໄໝ, ພິເສດແມ່ນບັນດາຂະແໜງອາຊີບໃໝ່ໃນພື້ນຖານເຕັກໂນໂລຢີ 4.0.
ຂ່າວ: ວິທະຍຸກະຈາຍສຽງຫວຽດນາມ