ຮ່ວມມືຂຸດຄົ້ນ, ພັດທະນາການທ່ອງທ່ຽວຂອງບັນດາແຂວງທີ່ມີມໍລະດົກຂັບແທນ
ກປ.ອອນໄລ - ວັນທີ 4 ກັນຍາ, ທີ່ນະຄອນຕວຽນກວາງ, ຄະນະກໍາມະການປະຊາຊົນແຂວງຕວຽນກວາງ ສົມທົບກັບແຂວງກາວບັ່ງ, ລ້າງເຊີນ, ທ້າຍຫງວຽນ, ຮ່າຢາງ, ບັກຢາງ, ດ້ຽນບຽນ, ລາຍເຈົາ, ກວ໋າງນິງ, ບັກກ້ານ, ລ່າວກາຍ ຈັດຕັ້ງກອງປະຊຸມສົ່ງເສີມການທ່ອງທ່ຽວໃນບັນດາແຂວງທີ່ມີມໍລະດົກຂັບແທນ ປີ 2022.
|
|
ທ່ານ ຫງວຽນວັນເຊີນ ປະທານຄະນະກໍາມະການປະຊາຊົນແຂວງຕວຽນກວາງ ມອບຂໍ້ຕົກລົງຮ່ວມມືຂຸດຄົ້ນພັດທະນາການທ່ອງທ່ຽວ ແລະບົດບັນທຶກຊ່ວຍຈໍາວ່າດ້ວຍການຮ່ວມມືລົງທຶນໃຫ້ແກ່ບັນດານັກລົງທຶນເຂົ້າຂະແໜງການທ່ອງທ່ຽວ. ພາບ: ສໍານັກຂ່າວສານຫວຽດນາມ. |
ທີ່ກອງປະຊຸມ, ຜູ້ຕາງໜ້າບັນດາແຂວງທີ່ມີມໍລະດົກຂັບແທນ ໃຫ້ຄໍາໝັ້ນສັນຍາ ຍາມໃດກໍ່ມານະພະຍາຍາມປັບປຸງສະພາບແວດລ້ອມການທ່ອງທ່ຽວ, ສ້າງເງື່ອນໄຂສະດວກເພື່ອໃຫ້ບັນດາກຸ່ມບໍລິສັດ, ວິສາຫະກິດ ລົງທຶນເຂົ້າຂົງເຂດການທ່ອງທ່ຽວ; ໃຫ້ບຸລິມະສິດແກ່ການພັດທະນາໂຄງລ່າງຄົມມະນາຄົມ, ໂທລະຄົມມະນາຄົມ, ໄຟຟ້າ ແລະບັນດາພື້ນຖານດ້ານວັດຖຸ ແລະເຕັກນິກຮັບໃຊ້ການທ່ອງທ່ຽວ; ເອົາໃຈໃສ່ພັດທະນາຊັບພະຍາກອນມະນຸດດ້ານການທ່ອງທ່ຽວ. ພ້ອມກັນນັ້ນແມ່ນສ້າງຜະລິດຕະພັນການທ່ອງທ່ຽວໃໝ່, ເພີ່ມທະວີການສ້າງລາຍການທ່ອງທ່ຽວລະຫວ່າງເຂດຕ່າງໆ, ຍູ້ແຮງການເຊື່ອມຕໍ່ການເຄື່ອນໄຫວສົ່ງເສີມ, ໂຄສະນາເຜີຍແຜ່, ສ້າງລາຍການສະແດງສິລະປະຂັບແທນ ເພື່ອສະແດງຮັບໃຊ້ນັກທ່ອງທ່ຽວ ຢູ່ບັນດາສະຖານທີ່ທ່ອງທ່ຽວວັດທະນະທໍາ, ປະຫວັດສາດ.
ໂດຍ: ທູຈາງ