ແຂວງຫາຍເຢືອງ ຢາກດຶງດູດວິສາຫາກິດອີຕາລີ ເຂົ້າມາລົງທຶນໃຫ້ຫຼາຍຕື່ມອີກ
ກປ.ອອນໄລ - ຄະນະພັກແຂວງຫາຍເຢືອງ ໄດ້ມີການເຮັດວຽກກັບທ່ານ Antonio Alessandro, ເອກອັກຄະລັດຖະທູດອີຕາລີ ປະຈໍາ ຫວຽດນາມ ເພື່ອແນໃສ່ເພີ່ມທະວີການພົວພັນທາງການທູດລະຫວ່າງສອງປະເທດ, ແລກປ່ຽນກາລະໂອກາດຮ່ວມມື, ສົ່ງເສີມການລົງທຶນ.
ທີ່ການເຮັດວຽກ, ທ່ານ ຟ້າມຊວນຖັງ, ເລຂາພັກແຂວງຫາຍເຢືອງ ໄດ້ແຈ້ງໃຫ້ທ່ານ Antonio Alessandro ຊາບໂດຍສັງເຂບກ່ຽວກັບສະພາບການເສດຖະກິດ-ສັງຄົມຂອງແຂວງ. ທ່ານ ຟ້າມຊວນຖັງ ສະເໜີໃຫ້ສະຖານທູດ ແລະບັນດາອົງການກ່ຽວຂ້ອງຂອງອີຕາລີ ປະຈໍາຫວຽດນາມ ສົມທົບກັນ, ໜູນຊ່ວຍແຂວງຫາຍເຢືອງ ເຊື່ອມຕໍ່, ດຶງດູດວິສາຫະກິດອີຕາລີ ເຂົ້າມາລົງທຶນຢູ່ແຂວງ, ໜູນຊ່ວຍ, ຊຸກຍູ້ການຖ່າຍທອດເຕັກນິກໃນຂະແໜງອຸດສາຫະກໍາເຕັກໂນໂລຢີສູງ, ປຸງແຕ່ງຜະລິດຕະພັນກະເສດ, ຜະລິດຢຸກຢາ ແລະບໍາລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງໃຫ້ແກ່ບັນດາວິສາຫະກິດຢູ່ໃນແຂວງ...
|
|
ທ່ານ ຟ້າມຊວນຖັງ, ເລຂາພັກແຂວງຫາຍເຢືອງ ເຮັດວຽກກັບທ່ານ Antonio Alessandro ເອກອັກຄະລັດຖະທູດອີຕາລີ ປະຈໍາ ຫວຽດນາມ. ພາບ: baodautu.vn. |
ສ່ວນທ່ານ Antonio Alessandro ກໍ່ສະແດງຄວາມປາດຖະໜາວ່າ ສະຖານທູດອີຕາລີ ຈະເປັນຂົວເຊື່ອມຕໍ່ເພື່ອນໍາເອົາບັນດາໂຄງການລົງທຶນເຕັກໂນໂລຢີ, ການບໍລິການທີ່ມີຄຸນນະພາບສູງ, ມີປະສິດທິຜົນມາໃຫ້ຫວຽດນາມ ເວົ້າລວມ ແລະແຂວງຫາຍເຢືອງ ເວົ້າສະເພາະ.
ທີ່ການເຮັດວຽກ, ການນໍາຂອງບາງອົງການຂອງອີຕາລີ ປະຈໍາ ຫວຽດນາມ ພ້ອມກັບພະແນກ, ຂະແໜງການຂອງແຂວງຫາຍເຢືອງ ໄດ້ແລກປ່ຽນກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ. ພາຍຫຼັງການເຮັດວຽກ, ສອງຝ່າຍໄດ້ເຫັນດີເປັນເອກະພາບລົງນາມໃນແຜນການສົມທົບກັນ, ຊຸກຍູ້ການຮ່ວມມືລົງທຶນ, ຊຸກຍູ້ການແລກປ່ຽນດ້ານເສດຖະກິດ, ການສຶກສາ, ສາທາລະນະສຸກ, ວັດທະນະທຳ, ກິລາລະຫວ່າງຝ່າຍອີຕາລີ ແລະແຂວງຫາຍເຢືອງ.
ໂດຍ: ທູຈາງ