ຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງຫວຽດນາມ ແລະເວເນຊູເອລາ
ກປ.ອອນໄລ - ວັນທີ 11 ພຶດສະພາ, ສະຖານທູດຫວຽດນາມ ປະຈໍາ ເວເນຊູເອລາ ໄດ້ສົມທົບກັບທະນາຄານ BANCOEX ຂອງເວເນຊູເອລາ ຈັດຕັ້ງກອງປະຊຸມສໍາມະນາຜ່ານລະບົບທາງໄກດ້ວຍຫົວຂໍ້ “ຊຸກຍູ້ການເຄື່ອນໄຫວສົ່ງເສີມການຄ້າລະຫວ່າງຫວຽດນາມ ແລະເວເນຊູເອລາ”.
ກ່າວຄໍາເຫັນທີ່ກອງປະຊຸມສໍາມະນາ, ທ່ານ Juan Freer ຮອງປະທານສະພາບໍລິຫານທະນາຄານ BANCOEX ໃຫ້ຮູ້ວ່າ ໃນຊຸມປີມໍ່ໆມານີ້, ວົງເງິນສົ່ງອອກສິນຄ້າຂອງເວເນຊູເອລາ ໄປຍັງຫວຽດນາມ ໄດ້ມີການຫັນປ່ຽນຢ່າງຕັ້ງໜ້າ, ຈາກລະດັບ 1,2 ລ້ານໂດລາສະຫະລັດໃນປີ 2017 ຂຶ້ນເຖິງລະດັບ 4,8 ໂດລາສະຫະລັດໃນປີ 2019 ແລະເຊື່ອໝັ້ນວ່າຕົວເລກດັ່ງກ່າວຍັງຈະເພີ່ມຂຶ້ນຫຼາຍກວ່າອີກ.
|
|
ທ່ານ ເລວ໊ຽດຢວຽນ ເອກອັກຄະລັດຖະທູດຫວຽດນາມ ປະຈໍາ ເວເນຊູເອລາ ເປັນປະທານກອງປະຊຸມສໍາມະນາຜ່ານລະບົບທາງໄກ. ພາບ: ສໍານັກຂ່າວສານຫວຽດນາມ. |
ສ່ວນທ່ານ ເລວ໊ຽດຢວຽນ ເອກອັກຄະລັດຖະທູດຫວຽດນາມ ປະຈໍາ ເວເນຊູເອລາ ໄດ້ແນະນໍາສິນຄ້າສົ່ງອອກທີ່ມີທ່າແຮງຂອງຫວຽດນາມ ເປັນຕົ້ນແມ່ນຜະລິດຕະພັນປະເພດຕ່າງໆ, ຄື: ເຂົ້າສານ, ກາເຟ, ໝາກມ່ວງຫິມະພານ, ໂທລະສັບ, ເຄື່ອງອາໄລ່ເອເລັກໂຕນິກ, ເຄື່ອງຕໍ່າແຜ່ນຕັດຫຍິບ, ເກີບ, ສິນໃນນໍ້າ... ທ່ານ ເລວ໊ຽດຢວຽນ ໃຫ້ຮູ້ວ່າ ຜ່ານກອງປະຊຸມສໍາມະນາດັ່ງກ່າວ, ທະນາຄານ BANCOEX ກໍ່ຄືວິສາຫະກິດອື່ນອີກຂອງເວເນຊູເອລາ ຈະເຂົ້າໃຈຢ່າງຈະແຈ້ງກວ່າກ່ຽວກັບຕະຫຼາດຫວຽດນາມ, ຈາກນັ້ນວາງອອກຍຸດທະສາດດໍາເນີນທຸລະກິດສົ່ງອອກ-ນໍາເຂົ້າທີ່ເໝາະສົມ, ຊຸກຍູ້ການແລກປ່ຽນການຄ້າລະຫວ່າງສອງປະເທດ.
ໂດຍ: ທູຈາງ