ນະຄອນໂຮ່ຈີມິນ ຊຸກຍູ້ການຮ່ວມມືພັດທະນາກັບແດນມາກ
ກປ.ອອນໄລ - ນະຄອນໂຮ່ຈີມິນ ເອົາໃຈໃສ່, ພ້ອມແລ້ວທີ່ຈະຮ່ວມມືກັບແດນມາກ ໃນບັນດາຂົງເຂດທີ່ມີຄວາມສາມາດບົ່ມຊ້ອນ ແລະປາດຖະໜາຢາກຊຸກຍູ້ຄວາມຄືບໜ້າບັນດາໂຄງການແດນມາກ ທີ່ພວມຜັນຂະຫຍາຍຢູ່ນະຄອນ.
ນັ້ນແມ່ນຄໍາຢັ້ງຢືນຂອງທ່ານ ເຢືອງແອັງດຶ໊ກ ຮອງປະທານຄະນະກໍາມະການປະຊາຊົນນະຄອນໂຮ່ຈີມິນ ໃນການເຮັດວຽກກັບທ່ານ Troels Jakobsen ທີ່ປຶກສາສະຖານທູດແດນມາກ ປະຈໍາ ຫວຽດນາມ, ທີ່ດໍາເນີນໃນຕອນບ່າຍວັນທີ 1 ກໍລະກົດ, ແລກປ່ຽນກ່ຽວກັບທິດທາງຊຸກຍູ້ການພົວພັນຮ່ວມມືລະຫວ່າງສອງຝ່າຍ.
|
|
ທ່ານ ເຢືອງແອັງດຶ໊ກ ຮອງປະທານຄະນະກໍາມະການປະຊາຊົນນະຄອນໂຮ່ຈີມິນ ຕ້ອນຮັບທ່ານ Troels Jakobsen ທີ່ປຶກສາສະຖານທູດແດນມາກ ປະຈໍາ ຫວຽດນາມ. ພາບ: hhcmcpv.org.vn. |
ແບ່ງປັນກ່ຽວກັບກຳນົດທິດພັດທະນານະຄອນໃນອະນາຄົດ, ທ່ານ ເຢືອງແອັງດຶ໊ກ ຢັ້ງຢືນວ່ານະຄອນໂຮ່ຈີມິນ ພ້ອມແລ້ວທີ່ຈະຮ່ວມມືຢ່າງແໜ້ນແຟ້ນກັບແດນມາກ ໃນບັນດາຂົງເຂດທີ່ປະເທດນີ້ມີທ່າແຮງ ແລະນະຄອນເອົາໃຈໃສ່ພັດທະນາ, ຄື: ການສຶກສາ, ການພັດທະນາພະລັງງານຜະລິດຄືນໃໝ່, ສິ່ງແວດລ້ອມ...
ນະຄອນໂຮ່ຈີມິນ ພ້ອມແລ້ວທີ່ຈະສົມທົບກັບແດນມາກ ຄົ້ນຄວ້າ, ຜັນຂະຫຍາຍບັນດາແນວຄວາມຄິດຮ່ວມມືລະຫວ່າງສອງຝ່າຍ; ປາດຖະໜາວ່າບັນດາຂໍ້ສະເໜີກ່ຽວກັບການຮ່ວມມືຈະກາຍເປັນບັນດາໂຄງການລະອຽດໃນປີ 2021 - ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.
ທ່ານ Troels Jakobsen ປາດຖະໜາຢາກຍູ້ແຮງການຮ່ວມມືກັບນະຄອນໂຮ່ຈີມິນ ໃນບັນດາຂົງເຂດແດນມາກ ມີທ່າແຮງ, ຄື: ພະລັງງານຜະລິດຄືນໃໝ່, ການປົກປັກຮັກສາສິ່ງແວດລ້ອມ, ການຮ່ວມມືສຶກສາ, ແບ່ງປັນບົດຮຽນກໍ່ສ້າງຕົວເມືອງອັດສະລິຍະ.
ໂດຍ: ກວຽດເຕິມ