ຫວຽດນາມ-ອາເມລິກາ ຊຸກຍູ້ການຮ່ວມມືໃນຫຼາຍຂົງເຂດ
ກປ.ອອນໄລ - ຕອນເຊົ້າວັນທີ 8 ພະຈິກ, ຢູ່ຮ່າໂນ້ຍ, ທ່ານ ເຈິ່ນຕ໊ວນແອັງ ລັດຖະມົນຕີກະຊວງອຸດສາຫະກໍາ ແລະການຄ້າຫວຽດນາມ ໄດ້ໃຫ້ການຕ້ອນຮັບທ່ານ Wilbur Ross ລັດຖະມົນຕີກະຊວງການຄ້າອາເມລິກາ ພ້ອມກັບຄະນະວິສາຫະກິດອາເມລິກາ ທີ່ພວມຢ້ຽມຢາມ ແລະເຮັດວຽກຢູ່ຫວຽດນາມ.
ທີ່ການຕ້ອນຮັບ, ທ່ານ ເຈິ່ນຕ໊ວນແອັງ ເນັ້ນໜັກວ່າ, ລັດຖະບານຫວຽດນາມ ເວົ້າລວມ ແລະກະຊວງອຸດສາຫະກໍາ ແລະການຄ້າຫວຽດນາມ ເວົ້າສະເພາະ, ປາດຖະໜາຢາກພ້ອມກັບອາເມລິກາ ສືບຕໍ່ມານະພະຍາຍາມນຳການພົວພັນຮ່ວມມືສອງຝ່າຍໃຫ້ນັບມື້ນັບພັດທະນາຢ່າງເລິກເຊິ່ງກວ້າງຂວາງ, ແທດຈິງ ແລະມີປະສິດທິຜົນ, ພິເສດແມ່ນການຮ່ວມມືໃນຂົງເຂດເສດຖະກິດ, ການຄ້າ, ການລົງທຶນ.
    |
 |
|
ທ່ານ ເຈິ່ນຕ໊ວນແອັງ ລັດຖະມົນຕີກະຊວງອຸດສາຫະກໍາ ແລະການຄ້າຫວຽດນາມ ຕ້ອນຮັບທ່ານ Wilbur Ross ລັດຖະມົນຕີກະຊວງການຄ້າອາເມລິກາ ພ້ອມກັບຄະນະວິສາຫະກິດອາເມລິກາ. ພາບ: ດຶກຢຸຍ. |
ໃນໄລຍະຜ່ານມາ, ການຮ່ວມມືດ້ານການຄ້າ, ການລົງທຶນລະຫວ່າງສອງປະເທດໄດ້ຮັບການເຕີບໂຕຢ່າງບໍ່ຢຸດຢັ້ງ. ວົງເງິນການຄ້າສອງຝ່າຍໃນປີ 2018 ຂຶ້ນເຖິງ 60 ຕື້ໂດລາສະຫະລັດ. ຫວຽດນາມ ກໍ່ພວມມານະພະຍາຍາມຍົກອອກວິທີການແກ້ໄຂຫຼາຍຢ່າງມຸ່ງໄປເຖິງການດຸນການຄ້າທີ່ມີຄວາມກົມກຽວ ແລະຍືນຍົງກັບອາເມລິກາ. ຫວຽດນາມ ຍາມໃດກໍ່ມານະພະຍາຍາມປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ຕັ້ງໜ້າແກ້ໄຂບັນດາຂໍ້ສະເໜີຂອງອາເມລິກາ, ສ້າງເງື່ອນໄຂສະດວກໃຫ້ແກ່ບັນດາໂຄງການຂອງອາເມລິກາ ໄດ້ຜັນຂະຫຍາຍຢູ່ຫວຽດນາມ...
|
|
 |
|
ທ່ານ Wilbur Ross ລັດຖະມົນຕີກະຊວງການຄ້າອາເມລິກາ ນໍາໜ້າຄະນະວິສາຫະກິດອາເມລິກາ ເຮັດວຽກຢູ່ກະຊວງອຸດສາຫະກໍາ ແລະການຄ້າຫວຽດນາມ ໃນຕອນເຊົ້າວັນທີ 8 ພະຈິກ. ພາບ: ດຶກຢຸຍ. |
ສ່ວນທ່ານ Wilbur Ross ເນັ້ນໜັກເຖິງຄວາມສາມາດບົ່ມຊ້ອນໃນການຮ່ວມມືດ້ານເສດຖະກິດລະຫວ່າງຫວຽດນາມ ແລະອາເມລິກາ, ພິເສດແມ່ນການຮ່ວມມືໃນຂົງເຂດພະລັງງານ, ການບິນ, ກໍ່ສ້າງ,…ພ້ອມທັງປາດຖະໜາວ່າລັດຖະບານຫວຽດນາມ ຈະສືບຕໍ່ສ້າງເງື່ອນໄຂສະດວກໃຫ້ແກ່ບັນດາວິສາຫະກິດອາເມລິກາ ແລກປ່ຽນການຄ້າ, ຊຸກຍູ້ການຮ່ວມມືລົງທຶນ, ເພື່ອຜົນປະໂຫຍດຂອງທັງສອງປະເທດ.
ໂດຍ: ເຈິ່ນຮວ່ຽນ