ເພີ່ມທະວີການຮ່ວມມືລະຫວ່າງນະຄອນໂຮ່ຈິມິນ ແລະກະຊວງວິທະຍາສາດ, ເຕັກໂນໂລຢີ ແລະສິ່ງແວດລ້ອມ ສາທາລະນະລັດ ກູບາ
ກປ.ອອນໄລ - ວັນທີ 28 ມິຖຸນາ, ຄະນະກໍາມະການປະຊາຊົນນະຄອນໂຮ່ຈິມິນ ພ້ອມກັບກະຊວງວິທະຍາສາດ, ເຕັກໂນໂລຢີ ແລະສິ່ງແວດລ້ອມ ສາທາລະນະລັດ ກູບາ ໄດ້ເຊັນຂໍ້ຕົກລົງຮ່ວມມືໃນຂົງເຂດການຄຸ້ມຄອງ ແລະພັດທະນາເຂດວິທະຍາສາດ ແລະເຕັກໂນໂລຢີ. ຕາມນັ້ນແລ້ວ, ສອງຝ່າຍເຫັນດີເປີດກວ້າງການພົບປະແລກປ່ຽນ ແລະຮ່ວມມືຜ່ານການແບ່ງປັນຄວາມຮູ້ດ້ານວິຊາສະເພາະ ແລະບັນດາມາດຕະການປະຕິບັດດີທີ່ສຸດໃນຂົງເຂດສ້າງຕັ້ງ, ຄຸ້ມຄອງ ແລະພັດທະນາເຂດອຸດສາຫະກໍາ-ວິທະຍາສາດ.
ສອງຝ່າຍຈະແລກປ່ຽນຂໍ້ມູນຂ່າວສານ, ຊ່ຽວຊານໃຫ້ຄຳປຶກສາກ່ຽວກັບການສ້າງຕັ້ງ, ພັດທະນາບັນດາເຂດເຕັກໂນໂລຢີສູງ ແລະການຮ່ວມມືດ້ານເຕັກໂນໂລຢີຜ່ານການຖ່າຍທອດເຕັກໂນໂລຢີ; ຂໍ້ມູນຂ່າວສານ ແລະໜູນຊ່ວຍບັນດາວິສາຫະກິດທີ່ປາດຖະໜາຢາກພັດທະນາການດໍາເນີນທຸລະກິດຖ່າຍທອດເຕັກໂນໂລຢີ, ໂຄງການລົງທຶນໃນບັນດາເຂດວິທະຍາສາດ ແລະເຕັກໂນໂລຢີ, ເຂດເຕັກໂນໂລຢີສູງ.
|
|
ທ່ານ ຫງວຽນແທ່ງຟອງ ແລະທ່ານນາງ Elba Rosa Perez Montoya ເຊັນຂໍ້ຕົກລົງຮ່ວມມື. ພາບ: ຊວນຢຸຍ. |
ແລກປ່ຽນກັບທ່ານນາງ Elba Rosa Perez Montoya, ລັດຖະມົນຕີກະຊວງວິທະຍາສາດ, ເຕັກໂນໂລຢີ ແລະສິ່ງແວດລ້ອມ ສາທາລະນະລັດ ກູບາ, ທ່ານ ຫງວຽນແທ່ງຟອງ, ປະທານຄະນະກໍາມະການປະຊາຊົນນະຄອນໂຮ່ຈິມິນ ປາດຖະໜາວ່າ, ໃນໄລຍະຈະມາເຖິງຈະພ້ອມກັບ ກູບາ ຍູ້ແຮງບັນດາການເຄື່ອນໄຫວຮ່ວມມືໃນຂົງເຂດວິທະຍາສາດ, ເຕັກໂນໂລຢີຜ່ານບັນດາ ໂຄງການຮ່ວມມືລະອຽດ, ນໍາມາຜົນປະໂຫຍດອັນແທດຈິງໃຫ້ທັງສອງຝ່າຍ.
ໂດຍ: ໄຊຊະນະ