ປະທານສະພາແຫ່ງຊາດຫວຽດນາມ ຕ້ອນຮັບຜູ້ອໍານວຍການເຕັກໂນໂລຢີບໍລິສັດ NG Biotech
ກປ.ອອນໄລ - ຕອນບ່າຍວັນທີ 15 ຕຸລາ, ທີ່ການຕ້ອນຮັບທ່ານ Milovan Stankov, ຜູ້ສ້າງຕັ້ງທັງເປັນຜູ້ອໍານວຍການເຕັກໂນໂລຢີບໍລິສັດ NG Biotech, ທ່ານ ເວືອງດິ່ງເຫວ້ ປະທານສະພາແຫ່ງຊາດຫວຽດນາມ ເນັ້ນໜັກວ່າ ພັກ ແລະລັດຫວຽດນາມ ຍາມໃດກໍ່ຖືວຽກງານສົ່ງເສີມສຸຂະພາບຂອງປະຊາຊົນແມ່ນບູລິມະສິດແຖວໜ້າ.
|
|
ທ່ານປະທານສະພາແຫ່ງຊາດ ເວືອງດິ່ງເຫວ້ ແລະຜູ້ອໍານວຍການເຕັກໂນໂລຢີບໍລິສັດ NG Biotech. ພາບ: ຈ໊ຽນຖັ໊ງ. |
ຫວຽດນາມ ຊົມເຊີຍ NG Biotech ຮ່ວມມືກັບ Vingroup ໃນການຖ່າຍທອດເຕັກໂນໂລຢີ ແລະກະກຽມຜະລິດຊຸດກວດ antigen SARS-CoV-2; ຊົມເຊີຍ NG Biotech ຮ່ວມມືກັບກຸ່ມບໍລິສັດ T&T ເພື່ອສ້າງສູນຄົ້ນຄວ້າປ້ອງກັນ, ຕ້ານພະຍາດໂຄວິດ-19 ແລະພະຍາດຕິດແປດຕ່າງໆ. ສະພາແຫ່ງຊາດ ແລະລັດຖະບານຫວຽດນາມ ກໍາລັງສຸມຄວາມມານະພະຍາຍາມ ເພື່ອປັບປຸງລະບອບລະບຽບການໃຫ້ສົມບູນແບບ, ໃນນັ້ນມີກົດໝາຍວ່າດ້ວຍການກວດ ແລະປິ່ນປົວພະຍາດ; ກົດໝາຍວ່າດ້ວຍການປ້ອງກັນ, ຕ້ານພະຍາດຕິດແປດ. ຫວຽດນາມ ຖືການປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດເປັນສໍາຄັນ ເພື່ອສ້າງເງື່ອນໄຂສະດວກໃຫ້ບັນດາວິສາຫະກິດເວົ້າລວມ ແລະບັນດາວິສາຫະກິດ FDI ເວົ້າສະເພາະລົງທຶນສຳເລັດຜົນ. ເນື່ອງໃນໂອກາດນີ້, ທ່ານປະທານສະພາແຫ່ງຊາດໄດ້ຂອບໃຈ NG Biotech ທີ່ໄດ້ມອບຊຸດກວດໄວ antigen SARS-CoV-2 ຈໍານວນ 1 ລ້ານຊຸດໃຫ້ຫວຽດນາມ.
ທ່ານ Milovan Stankov ສະແດງຄວາມປາດຖະໜາຢາກແບ່ງປັນເຕັກໂນໂລຢີກັບຫວຽດນາມ ໃນຂົງເຂດຄົ້ນຄວ້າ, ພັດທະນາ ແລະແຈກຢາຍຢາປົວພະຍາດ... ເພື່ອຊ່ວຍຫວຽດນາມ ຍົກສູງກໍາລັງຄວາມສາມາດໃນການປ້ອງກັນ, ຕ້ານພະຍາດໂຄວິດ-19 ເວົ້າສະເພາະ ແລະພະຍາດຕ່າງໆ.
ໂດຍ: ທະນາພອນ