ສະຖາບັນ Viettel ຈັດຕັ້ງລາຍການສະແດງຄວາມຮູ້ບຸນຄຸນເນື່ອງໃນໂອກາດວັນທີ 27 ກໍລະກົດ

ການນໍາສະຖາບັນ Viettel ແລະສະມາຊິກຄະນະປະຕິບັດງານສະແດງຄວາມຮູ້ບຸນຄຸນ, ອາໄລຫາວິລະຊົນ, ນັກຮົບເສຍສະຫຼະຊີວິດເພື່ອຊາດ ຢູ່ສຸສານນັກຮົບເສຍສະຫຼະຊີວິດເພື່ອຊາດ ຕາແສງ ຕ໊ຽນຊວນ. ພາບ: qdnd.vn

ທີ່ພິທີ, ທ່ານພັນເອກພິເສດ ເຢືອງຊວນເຟື້ອງ, ເລຂາພັກ, ຮອງຫົວໜ້າສະຖາບັນ Viettel ໄດ້ແນະນໍາກ່ຽວກັບປະຫວັດຄວາມເປັນມາຂອງວັນທະຫານເສຍອົງຄະ-ນັກຮົບເສຍສະຫຼະຊີວິດເພື່ອຊາດ (ວັນທີ 27 ກໍລະກົດ) ແລະປະຫວັດແຫ່ງການສ້າງຕັ້ງສຸສານນັກຮົບເສຍສະຫຼະຊີວິດເພື່ອຊາດຢູ່ຕາແສງ ຕ໊ຽນຊວນ, ເຊິ່ງແມ່ນສະຖານທີ່ປົງອັດຖິຂອງບັນດາວິລະຊົນ, ນັກຮົບເສຍສະຫຼະຊີວິດເພື່ອຊາດເປັນສ່ວນຫຼາຍຈາກຫຼາຍເຂດ, ພາກຂອງປະເທດໄດ້ເສຍຊີວິດໃນການສູ້ຮົບຢູ່ໃນບໍລິເວນ, ໃນໄລຍະສົງຄາມຕໍ່ຕ້ານພວກລ່າເມືອງຂຶ້ນຝຣັ່ງ.

ພະນັກງານ, ລັດຖະກອນ, ນັກສຶກສາໜຸ່ມ ໄດ້ຮັບການສຶກສາອົບຮົມ, ແນະນໍາກ່ຽວກັບຄວາມຮູ້ດ້ານປະຫວັດສາດທີ່ເປັນປະໂຫຍດ ແລະມູນເຊື້ອອັນລໍ້າຄ່າຂອງຊົນຊາດ. ພາບ: qdnd.vn

ພະນັກງານ, ລັດຖະກອນ, ນັກສຶກສາສະຖາບັນ  Viettel  ຈູດທູບທຽນອາໄລຫາວິລະຊົນ,  ນັກຮົບເສຍສະຫຼະຊີວິດເພື່ອຊາດຢູ່ສຸສານນັກຮົບເສຍສະຫຼະຊີວິດເພື່ອຊາດ ຕາແສງ ຕ໊ຽນຊວນ. ພາບ: qdnd.vn

ເນື່ອງໃນໂອກາດສະເຫຼີມສະຫຼອງ 77 ປີແຫ່ງວັນທະຫານເສຍອົງຄະ-ນັກຮົບເສຍສະຫຼະຊີວິດເພື່ອຊາດ, ພ້ອມກັບບັນດາການເຄື່ອນໄຫວ, ຄື: ຖະຫວາຍທູບທຽນ, ດອກໄມ້ຢູ່ສຸສານນັກຮົບເສຍສະຫຼະຊີວິດເພື່ອຊາດຢູ່ຕາແສງ ຕ໊ຽນຊວນ ແລ້ວ, ສະຖາບັນ Viettel ຍັງໄດ້ຈັດຕັ້ງຄະນະປະຕິບັດງານໄປຢ້ຽມຢາມ ແລະມອບຂອງຂວັນໃຫ້ຄອບຄົວເປົ້າໝາຍນະໂຍບາຍຈຳນວນໜຶ່ງໃນບໍລິເວນທີ່ກົມກອງຕັ້ງທັບ. ນີ້ແມ່ນການເຄື່ອນໄຫວທີ່ໄດ້ຮັບການຮັກສາມາໄດ້ຫຼາຍປີແລ້ວຈາກການນຳຂອງສະຖາບັນ, ດ້ວຍວຽກເຮັດງານທໍາທີ່ລະອຽດ ແລະມີຄວາມໝາຍ, ຄື: ຈັດສົ່ງພະນັກງານ, ພາລະກອນ, ລັດຖະກອນ, ນັກສຶກສາໄປບົວລະບັດຮັກສາເຂດບໍລິເວນສຸສານນັກຮົບເສຍສະຫຼະຊີວິດເພື່ອຊາດ; ບູລະນະ ແລະປ່ຽນໂຖດອກໄມ້ໃໝ່ຢູ່ໜ້າຂຸມຝັງສົບ…

ໂດຍ: ທູຈາງ