ປຸກລະດົມໂຄງການ “ຮ່ວມແຮງຮ່ວມໃຈບັນເທົາຄວາມເຈັບປວດຈາກທາດພິດສີສົ້ມ, ປີ 2024”
ກປ.ອອນໄລ - ຕອນບ່າຍວັນທີ 16 ກໍລະກົດ, ຢູ່ຮ່າໂນ້ຍ, ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຫວຽດນາມ ແລະ ປະຕູຖານເອເລັກໂຕນິກມະນຸດສະທຳແຫ່ງຊາດ, ແອັບການກຸສົນ MB ໄດ້ຈັດການປຸກລະດົມໂຄງການ “ຮ່ວມແຮງຮ່ວມໃຈບັນເທົາຄວາມເຈັບປວດຈາກທາດພິດສີສົ້ມ, ປີ 2024” ດ້ວຍຫົວຂໍ້ “ສ້າງອະນາຄົດທີ່ສົດໃສ”. ນີ້ແມ່ນການເຄື່ອນໄຫວມຸ່ງໄປເຖິງການສະເຫຼີມສະຫຼອງ 63 ປີແຫ່ງໄພພິບັດທາດພິດສີສົ້ມ ຢູ່ຫວຽດນາມ.
ໂຄງການແມ່ນເພື່ອແນໃສ່ຂົນຂວາຍປະຊາຊົນຮ່ວມແຮງຮ່ວມໃຈ, ປະກອບເຫື່ອແຮງສະໜັບສະໜູນ ເພື່ອໜູນຊ່ວຍຄ່າໃຊ້ຈ່າຍໃນການກວດປິ່ນປົວພະຍາດ, ຮຽນວິຊາຊີບ, ກໍ່ສ້າງ, ສ້ອມແປງເຮືອນແຫ່ງຄວາມເມດຕາ, ມອບຂອງຂວັນໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມທີ່ປະສົບກັບຄວາມຫຍຸ້ງຍາກໃນທົ່ວປະເທດ. ໂຄງການວາງເປົ້າໝາຍຂົນຂວາຍໄດ້ເງິນກ່ວາ 2 ຕື້ດົ່ງ (ເກືອບ 85.000 USD) ເພື່ອໜູນຊ່ວຍການກວດປິ່ນປົວພະຍາດ, ຟື້ນຟູຮ່າງກາຍ; ໜູນຊ່ວຍການກູ້ຢຶມເງິນທຶນເພື່ອທຳການຜະລິດ, ກໍ່ສ້າງ, ສ້ອມແປງເຮືອນໃໝ່, ໜູນຊ່ວຍຄອບຄົວຜູ້ປະສົບເຄາະຮ້າຍຈາກທາດພິດສີສົ້ມທີ່ປະສົບກັບຄວາມຫຍຸ້ງຍາກເປັນພິເສດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/17/upload_2121/17072024-tt02-01.jpg?dpi=150&quality=100&w=500) |
ການປຸກລະດົມໂຄງການ “ຮ່ວມແຮງຮ່ວມໃຈບັນເທົາຄວາມເຈັບປວດຈາກທາດພິດສີສົ້ມ, ປີ 2024”. ພາບ: vov.vn |
ທີ່ພິທີປຸກລະດົມ, ທ່ານພົນຕີ ຫງວຽນຮຶວຈິງ ປະທານສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຫວຽດນາມ ຮຽກຮ້ອງວ່າ: ປັດຈຸບັນ, ຫວຽດນາມ ຍັງມີຜູ້ປະສົບເຄາະຮ້າຍຈາກທາດພິດສີສົ້ມນັບລ້ານຄົນ, ເຂົາເຈົ້າແມ່ນຄົນທີ່ເປັນພະຍາດປົວຍາກ, ດ້ວຍຄວາມເຈັບປວດທັງທາງຮ່າງກາຍ ແລະຈິດໃຈ. ຜູ້ປະສົບເຄາະຮ້າຍຈາກທາດພິດສີສົ້ມຕ້ອງໄດ້ຮັບການແບ່ງປັນ ແລະການຮ່ວມແຮງຮ່ວມໃຈຂອງທົ່ວສັງຄົມເພື່ອລົບລ້າງຄວາມເຈັບປວດ, ຄວາມທຸກຍາກ. ແຕ່ລະຂໍ້ຄວາມທີ່ສົ່ງໄປຈະໄດ້ຮັບການສະແດງຄວາມຮູ້ບຸນຄຸນ ຢ່າງເລິກເຊິ່ງຈາກຜູ້ປະສົບເຄາະຮ້າຍຈາກທາດພິດສີສົ້ມ.
ໂດຍ: ກວຽດເຕິມ