ວິສາຫະກິດຍັງບໍ່ມານະພະຍາຍາມເຂົ້າເຖິງຕະຫຼາດ
ຂໍ້ມູນຈາກກົມຕະຫຼາດອາຊີ - ອາຟຣິກາ (ກະຊວງອຸດສາຫະກໍາ ແລະການຄ້າ) ໃຫ້ຮູ້ວ່າ ສິນຄ້າທີ່ສົ່ງອອກຕະຫຼາດອາຊຽນ ສ່ວນຫຼາຍລ້ວນແຕ່ໄດ້ຮັບບຸລິມະສິດດ້ວຍອັດຕາພາສີ 0%, ອີງຕາມສັນຍາການຄ້າສິນຄ້າອາຊຽນ (ATIGA). ຫຼືໄດ້ຮັບບາງບຸລິມະສິດທີ່ເປັນພິເສດຕື່ມອີກອີງຕາມຂໍ້ຕົກລົງ/ສັນຍາການຄ້າສອງຝ່າຍກັບແຕ່ລະປະເທດ, ເຊັ່ນ: ສັນຍາການຄ້າ ຫວຽດນາມ-ລາວ; ຂໍ້ຕົກລົງຊຸກຍູ້ການຄ້າສອງຝ່າຍລະຫວ່າງ ຫວຽດນາມ-ກໍາປູເຈຍ...
ໃນ 7 ເດືອນຂອງປີ 2024, ຫວຽດນາມ ຍັງຄົງແມ່ນຄູ່ຮ່ວມມືການຄ້າໃຫຍ່ອັນດັບ 12 ຂອງສິງກະໂປ ດ້ວຍວົງເງິນການຄ້າສອງສົ້ນກວ່າ 18,32 ຕື້ SGD, ເພີ່ມຂຶ້ນ 9,02% ເມື່ອທຽບໃສ່ໄລຍະດຽວກັນ. ໃນນັ້ນການສົ່ງອອກເພີ່ມຂຶ້ນຢ່າງວ່ອງໄວໃນລະດັບ 27,03%, ບັນລຸກວ່າ 4,7 ຕື້ SGD ແລະການນຳເຂົ້າບັນລຸກວ່າ 13,61 ຕື້ SGD, ເພີ່ມຂຶ້ນ 3,93%.
    |
 |
|
ເຂົ້າສານແມ່ນຜະລິດຕະພັນຕົ້ນຕໍຂອງຫວຽດນາມ ທີ່ສົ່ງອອກບາງປະເທດອາຊຽນໃນແຕ່ລະປີ. ພາບ: vov.vn |
ຕາມຫ້ອງການການຄ້າຫວຽດນາມ ປະຈໍາ ສິງກະໂປ ແລ້ວ, ບາງກຸ່ມຂະແໜງສົ່ງອອກອື່ນໆມີລະດັບເຕີບໂຕແຮງທີ່ສຸດເຊັ່ນ: ເຫຼັກ ແລະເຫຼັກກ້າ; ເຄື່ອງວັດແທກ, ອຸປະກອນການແພດ, ໂມງ, ເຄື່ອງດົນຕີ ແລະຊິ້ນສ່ວນທຸກປະເພດ. ພິເສດປະຈຸບັນ, ຫວຽດນາມ ແມ່ນປະເທດກວມສ່ວນແບ່ງຕະຫຼາດໃຫຍ່ທີ່ສຸດຂອງສິງກະໂປ ສຳລັບ 3 ກຸ່ມເຂົ້າສານ.
ເຮັດແຈ້ງຂໍ້ມູນດັ່ງກ່າວ, ທ່ານ ກາວຊວນຖັງ, ທີ່ປຶກສາດ້ານການຄ້າ, ຫົວໜ້າຫ້ອງການການຄ້າຫວຽດນາມ ປະຈຳ ສິງກະໂປ ໃຫ້ຮູ້ວ່າ ຕະຫຼາດເຂົ້າສານຂອງສິງກະໂປ ມີຄວາມຕ້ອງການໃນລະດັບ 300-400 ລ້ານ SGD/ປີ. ຕາມນັ້ນແລ້ວ, ບັນດາວິສາຫະກິດຫວຽດນາມ ໄດ້ເພີ່ມທະວີສ່ວນແບ່ງຕະຫຼາດ ແລະມູນຄ່າວົງເງິນສົ່ງອອກໄປສິງກະໂປ.
ທ່ານ ກາວຊວນຖັງ ໃຫ້ຂໍ້ສັງເກດວ່າ: “ຄຽງຄູ່ກັບຄວາມເອົາໃຈໃສ່ຂອງບັນດາສະມາຄົມຂະແໜງສິນຄ້າ ແລະວິສາຫະກິດໃນການສົ່ງເສີມການຄ້າ ແລະຍາດແຍ່ງກາລະໂອກາດ, ບັນດາການເຄື່ອນໄຫວໜູນຊ່ວຍວິສາຫະກິດຂອງຫ້ອງການການຄ້າຫວຽດນາມ ປະຈຳ ສິງກະໂປ ພ້ອມກັບການຊີ້ນຳຢ່າງໃກ້ຊິດຂອງບັນດາກະຊວງ, ຂະແໜງການ, ທ້ອງຖິ່ນໄດ້ປະກອບສ່ວນຊຸກຍູ້ການເຕີບໂຕວົງເງິນສົ່ງອອກເຂົ້າສານໄປຍັງຕະຫຼາດສິງກະໂປ”.
ເຖິງຢ່າງໃດກໍ່ຕາມ, ທ່ານ ກາວຊວນຖັງ ກໍ່ຊີ້ອອກຢ່າງກົງໄປກົງມາວ່າ ການໂຄສະນາ ແລະແນະນຳຜະລິດຕະພັນເຂົ້າສານຂອງຫວຽດນາມ ຢູ່ຕະຫຼາດສິງກະໂປ ຍັງຈຳກັດຢູ່. ບັນດາການເຄື່ອນໄຫວສົ່ງເສີມການຄ້າ, ວາງສະແດງສິນຄ້າເຂົ້າສານຢູ່ສິງກະໂປ ຕົ້ນຕໍໂດຍຫ້ອງການການຄ້າຫວຽດນາມ ຜັນຂະຫຍາຍຢ່າງເປັນປະຈຳ.
ທ່ານ ກາວຊວນຖັງ ຢັ້ງຢືນວ່າ: “ເພື່ອໜູນຊ່ວຍວິສາຫະກິດຫວຽດນາມ ໃຫ້ດີກວ່າໃນໄລຍະຈະມາເຖິງ, ຫ້ອງການການຄ້າຫວຽດນາມ ປະຈຳ ສິງກະໂປ ຈະສືບຕໍ່ອັບເດດສະພາບການ, ກົນໄກ ແລະນະໂຍບາຍຂອງບໍລິເວນ; ໜູນຊ່ວຍວິສາຫະກິດຫວຽດນາມ ໃນການເຊື່ອມຕໍ່ແລກປ່ຽນການຄ້າ, ວາງສະແດງສິນຄ້າ, ໂຄສະນາບັນດາເຄື່ອງໝາຍການຄ້າວິສາຫະກິດ ແລະເຄື່ອງໝາຍການຄ້າຜະລິດຕະພັນຫວຽດນາມ. ເພີ່ມທະວີສິນຄ້າຂອງຫວຽດນາມ ຢູ່ບໍລິເວນ; ໜູນຊ່ວຍການສົ່ງອອກສິນຄ້າເຂົ້າຕະຫຼາດສິງກະໂປ”.
ໝູນໃຊ້ບັນດາເງື່ອນໄຂສະດວກກວ່າອີກ
ປະລິມານເຂົ້າສານທີ່ຟີລິບປິນ ນໍາເຂົ້າໃນແຕ່ລະປີຍາມໃດກໍ່ຢູ່ໃນລະດັບສູງ. ທ່ານ ຟຸ່ງວັນແທ່ງ ທີ່ປຶກສາດ້ານການຄ້າ, ຫົວໜ້າຫ້ອງການການຄ້າຫວຽດນາມ ປະຈຳ ຟີລິບປິນ ໃຫ້ຮູ້ວ່າ ຟີລິບປິນ ແມ່ນປະເທດຈຳໜ່າຍເຂົ້າສານຂະໜາດໃຫຍ່ ແລະແມ່ນໜຶ່ງໃນບັນດາປະເທດນຳເຂົ້າເຂົ້າສານແຖວໜ້າຂອງໂລກ. ສິ່ງນີ້ຄາດຄະເນວ່າ ປະລິມານເຂົ້າສານນຳເຂົ້າຂອງຟີລິບປິນໃນປີ 2024 ອາດຈະບັນລຸກວ່າ 4 ລ້ານໂຕນ, ຊ້ຳບໍ່ໜຳແມ່ນ 4,5 ລ້ານໂຕນ.
ທ່ານ ຟຸ່ງວັນແທ່ງ ໃຫ້ຮູ້ວ່າ ນີ້ແມ່ນກາລະໂອກາດທີ່ດີ ເພື່ອໃຫ້ບັນດາວິສາຫະກິດສົ່ງອອກເຂົ້າສານຫວຽດນາມ ຍູ້ແຮງການສົ່ງອອກໄປຍັງຕະຫຼາດນີ້. ໃນ 6 ເດືອນຕົ້ນປີ 2024, ຟີລິບປິນ ໄດ້ນຳເຂົ້າເຂົ້າສານ 1,72 ລ້ານໂຕນ ຈາກຫວຽດນາມ.
ນອກຈາກສິງກະໂປ ແລະຟີລິບປິນ ແລ້ວ, ໃນປີ 2023, ອິນໂດເນເຊຍ ໄດ້ກາຍເປັນປະເທດນໍາເຂົ້າເຂົ້າສານໃຫຍ່ອັນດັບ 2 ຂອງຫວຽດນາມ ດ້ວຍປະລິມານຜະລິດຕະພັນກວ່າ 1,1 ລ້ານໂຕນ, ສ້າງລາຍຮັບໃຫ້ໄດ້ກວ່າ 640 ລ້ານໂດລາສະຫະລັດ, ເພີ່ມຂຶ້ນ 878% ດ້ານປະລິມານ ແລະເພີ່ມຂຶ້ນ 992% ດ້ານມູນຄ່າເມື່ອທຽບໃສ່ປີ 2022.
|
|
 |
|
ບັນດາວິສາຫະກິດສົ່ງອອກເຂົ້າສານຫວຽດນາມ ໄດ້ຊະນະໃນການປະມູນສະໜອງເຂົ້າສານ 300.000 ໂຕນ ໃຫ້ອິນໂດເນເຊຍ ໃນເດືອນມັງກອນ ປີ 2024. ພາບ: vov.vn |
ນັບແຕ່ຕົ້ນປີ 2024, ດ້ວຍສະພາບຂາດເຂີນເຂົ້າສານຢ່າງຮ້າຍແຮງ, ລັດຖະບານອິນໂດເນເຊຍ ໄດ້ເປີດການປະມູນຊື້ເຂົ້າສານ 500.000 ໂຕນ, ບັນດາວິສາຫະກິດສົ່ງອອກເຂົ້າສານຫວຽດນາມ ໄດ້ຊະນະໃນການປະມູນຄັ້ງນີ້, ດ້ວຍປະລິມານເຂົ້າສານສະໜອງໃຫ້ອິນໂດເນເຊຍ ແມ່ນ 300.000 ກວ່າໂຕນ, ສະນັ້ນ, ຫ້ອງການການຄ້າຫວຽດນາມ ປະຈຳ ອິນໂດເນເຊຍ ສະເໜີໃຫ້ບັນດາວິສາຫະກິດສົ່ງອອກເຂົ້າສານຫວຽດນາມ ຕ້ອງຕິດຕາມຂໍ້ມູນຂ່າວສານຕະຫຼາດຢ່າງໃກ້ຊິດ, ຍາດແຍ່ງກາລະໂອກາດສົ່ງອອກເຂົ້າສານໃນຊຸມປີຕໍ່ໄປໄປຍັງຕະຫຼາດອິນໂດເນເຊຍ.
ດ້ວຍບັນດາຄຳໝັ້ນສັນຍາເປີດປະຕູຕະຫຼາດ ກໍ່ຄືບັນດາບຸລິມະສິດໃຫຍ່ດ້ານພາສີ, ຄວາມຄ້າຍຄືກັນກ່ຽວກັບທີ່ຕັ້ງພູມສາດ, ວັດທະນະທຳ,... ໄດ້ສ້າງເງື່ອນໄຂສະດວກໃຫ້ວິສາຫະກິດຫວຽດນາມ ສົ່ງອອກສິນຄ້າໄປຍັງຕະຫຼາດອາຊຽນ. ຕີລາຄາຄວາມສາມາດບົ່ມຊ້ອນຂອງຕະຫຼາດອາຊຽນ, ທ່ານນາງ ປອ. ຫງວຽນທິທູຈາງ, ຜູ້ອໍານວຍການສູນ WTO ແລະເຊື່ອມໂຍງ (VCCI) ຖືວ່າ ໜຶ່ງໃນບັນດາຄວາມສະດວກຂອງບັນດາວິສາຫະກິດອາຊຽນ ເວົ້າລວມ ແລະບັນດາວິສາຫະກິດຫວຽດນາມ ເວົ້າສະເພາະ ແມ່ນເມື່ອເຂົ້າຮ່ວມບັນດາສັນຍາການຄ້າ ຈະໄດ້ຮັບບຸລິມະສິດກວ່າດ້ວຍລະດັບພາສີບຸລິມະສິດໃນການສົ່ງອອກສິນຄ້າ. ຜ່ານນັ້ນ, ການຄ້າພາຍໃນກຸ່ມອາຊຽນ ຈະເປັນໄປໄດ້ຢ່າງເສລີ, ປອດໄພ ແລະນຳມາເຊິ່ງຜົນປະໂຫຍດຫຼາຍກວ່າໃຫ້ວິສາຫະກິດໃນພາກພື້ນ.
ໂດຍ: ຈາງຫງວຽນ