ຍູ້ແຮງການເຊື່ອມຕໍ່, ແບ່ງປັນຂໍ້ມູນຮັບໃຊ້ການພັດທະນາການຄ້າເອເລັກໂຕນິກ

ທ່ານນາຍົກລັດຖະມົນຕີ ຮຽກຮ້ອງໃຫ້ກະຊວງການເງິນ ເປັນປະທານ, ສົມທົບກັບບັນດາກະຊວງ, ຂະແໜງການໃນການປັບປຸງນະໂຍບາຍ, ກົດໝາຍວ່າດ້ວຍອາກອນໃຫ້ສົມບູນແບບ ເຊິ່ງກ່ຽວຂ້ອງເຖິງການຄ້າເອເລັກໂຕນິກ, ຫຼຸດລະບຽບການບໍລິຫານລົງ, ເພີ່ມທະວີການຜັນຂະຫຍາຍບັນດາມາດຕະການເກັບອາກອນ, ຕ້ານການຮົ່ວໄຫຼຂອງອາກອນ, ປະຕິບັດການແກ້ໄຂການລະເມີດກ່ຽວກັບອາກອນຢ່າງເຂັ້ມງວດ.

ພາບປະກອບຄັດຈາກ: dangcongsan.vn

ກະຊວງອຸດສາຫະກຳ ແລະການຄ້າ ເປັນປະທານ, ສົມທົບກັບບັນດາກະຊວງ, ຂະແໜງການໃນການປັບປຸງນະໂຍບາຍ, ກົດໝາຍວ່າດ້ວຍການຄຸ້ມຄອງລັດສໍາລັບການຄ້າເອເລັກໂຕນິກໃຫ້ສົມບູນແບບ, ໃນນັ້ນເພີ່ມທະວີການລະບຽບການແກ້ໄຂການກະທຳລະເມີດ ກ່ຽວກັບສໍາເນົາເອກະສານ ແລະສະໜອງຂໍ້ມູນຂ່າວສານຕາມຂໍ້ກຳນົດຄຸ້ມຄອງລັດກ່ຽວກັບການຄ້າເອເລັກໂຕນິກສໍາລັບເຈົ້າກຳຂອງການເຄື່ອນໄຫວການຄ້າເອເລັກໂຕນິກ.

ກະຊວງຖະແຫຼງຂ່າວ ແລະສື່ສານ ເປັນປະທານ, ສົມທົບກັບບັນດາກະຊວງ, ຂະແໜງການໃນການປັບປຸງນະໂຍບາຍ, ກົດໝາຍວ່າດ້ວຍໂທລະຄົມມະນາຄົມ ໃຫ້ສົມບູນແບບ; ອິນເຕີແນັດ; ການຄຸ້ມຄອງການສະໜອງຜະລິດຕະພັນ, ບໍລິການດີຈີຕອນ; ຜະລິດຕະພັນ, ບໍລິການຊອັບແວ ແລະບັນດາຜະລິດຕະພັນ, ການບໍລິການຜ່ານພື້ນຖານດີຈີຕອນພາຍໃນປະເທດ ແລະຂ້າມຊາຍແດນ... ເຊິ່ງກະຊວງຖະແຫຼງຂ່າວ ແລະສື່ສານ ຄຸ້ມຄອງໂດຍກົງເມື່ອມີການລະເມີດກົດໝາຍວ່າດ້ວຍອາກອນ.

ກະຊວງຕຳຫຼວດ ເປັນປະທານ, ສົມທົບກັບບັນດາກະຊວງ, ຂະແໜງການໃນການປັບປຸງນະໂຍບາຍ, ກົດໝາຍ ຂອງຂະແໜງການໂດຍສະເພາະທີ່ຂຶ້ນກັບພາລະບົດບາດ, ໜ້າທີ່ຮັບປະກັນເປົ້າໝາຍເຂົ້າຮ່ວມການພັດທະນາການຄ້າເອເລັກໂຕນິກ, ຮັບປະກັນຄວາມໝັ້ນຄົງທາງອິນເຕີແນັດ, ຄວາມໝັ້ນຄົງດ້ານເງິນຕາ,  ໃນນັ້ນແມ່ນການຄົ້ນຄວ້ານໍາໃຊ້ຊື່ເອີ້ນເອເລັກໂຕນິກໃຫ້ຊັດເຈນ ເພື່ອໃຊ້ເຂົ້າໃນການແລກປ່ຽນການຄ້າເອເລັກໂຕນິກ.

ໂດຍ: ເຈິ່ນຮວ່ຽນ