ການຄ້າເອເລັກໂຕນິກຂ້າມຊາຍແດນ: ເປີດກວ້າງກາລະໂອກາດໃຫ້ແກ່ວິສາຫະກິດຫວຽດນາມ
ກປ.ອອນໄລ - ການຄ້າເອເລັກໂຕນິກ ບໍ່ພຽງແຕ່ພັດທະນາຢ່າງແຂງແຮງໃນຕະຫຼາດພາຍໃນເທົ່ານັ້ນ, ຫາກຍັງໄດ້ຮັບຮູ້ຄວາມກ້າວໜ້າທີ່ຈະແຈ້ງໃນຂະແໜງການນຳເຂົ້າ ແລະສົ່ງອອກສິນຄ້າທາງອອນລາຍອີກດ້ວຍ.
ເວທີການຄ້າເອເລັກໂຕນິກຂ້າມຊາຍແດນ ປີ 2025 ໂດຍສະມາຄົມການຄ້າເອເລັກໂຕນິກຫວຽດນາມ ສົມທົບກັບກົມການຄ້າເອເລັກໂຕນິກ ແລະເສດຖະກິດດີຈີຕອນ, ກະຊວງອຸດສາຫະກຳ ແລະການຄ້າ ຈັດຂຶ້ນໃນວັນທີ 18 ທັນວາ ຢູ່ທີ່ຮ່າໂນ້ຍ.
    |
 |
|
ບັນດາຊ່ຽວຊານ ແບ່ງປັນຢູ່ໃນເວທີ. ພາບ: vneconomy.vn |
ຕາມການລາຍງານຂອງກະຊວງອຸດສາຫະກຳ ແລະການຄ້າຫວຽດນາມ, ການຄ້າເອເລັກໂຕນິກຂ້າມຊາຍແດນເປີດກວ້າງກາລະໂອກາດໃຫ້ແກ່ວິສາຫະກິດຫວຽດນາມ. ປີ 2025, ການຄ້າເອເລັກໂຕນິກ ພວມກາຍເປັນໜຶ່ງໃນບັນດາຂົງເຂດເຕີບໂຕໄວທີ່ສຸດໃນພື້ນຖານເສດຖະກິດ, ດ້ວຍການຄາດຄະເນການເພີ່ມຂຶ້ນຫຼາຍກວ່າ 25%. ຂອບຂະໜາດການຄ້າເອເລັກໂຕນິກ ໄດ້ບັນລຸເຖິງ 31 ຕື້ໂດລາສະຫະລັດ. ສິ່ງທີ່ໜ້າເອົາໃຈໃສ່, ການຄ້າເອເລັກໂຕນິກ ບໍ່ພຽງແຕ່ພັດທະນາຢ່າງແຂງແຮງໃນຕະຫຼາດພາຍໃນເທົ່ານັ້ນ, ຫາກຍັງຮັບຮູ້ຄວາມກ້າວໜ້າທີ່ຈະແຈ້ງໃນຂະແໜງການນຳເຂົ້າ ແລະສົ່ງອອກສິນຄ້າທາງອອນລາຍ ອີກດ້ວຍ.
ທ່ານ ເຈີ່ນແທງຫາຍ ຮອງຫົວໜ້າກົມສົ່ງອອກ-ນໍາເຂົ້າ, ກະຊວງອຸດສາຫະກຳ ແລະການຄ້າ ໃຫ້ຮູ້ວ່າ: “ຮູບແບບຂອງການຄ້າເອເລັກໂຕນິກຂ້າມຊາຍແດນ, ປ່ຽນແປງຈາກຮູບແບບໃຊ້ແຮງງານຫັນໄປສູ່ຮູບແບບການຂາຍສິນຄ້າເອເລັກໂຕນິກໃຫ້ຜູ້ບໍລິໂພກ. ພວກເຮົາເຫັນວ່າ ຄວາມສະດວກທີ່ຍິ່ງໃຫຍ່, ເຂົ້າເຖິງໂດຍກົງກັບຜູ້ຊື້ບໍ່ຜ່ານຄົນກາງ. ດ້ານອື່ນ, ພວກເຮົາສາມາດເກັບກຳຄຳຕິຊົມຂອງລູກຄ້າເພື່ອສາມາດເກັບກຳຂໍ້ມູນ, ຊ່ວຍປັບປຸງຜະລິດຕະພັນໃຫ້ດີຂື້ນອີກ”.
|
|
 |
|
ທ່ານ ເຈີ່ນແທງຫາຍ ຮອງຫົວໜ້າກົມສົ່ງອອກ-ນໍາເຂົ້າ, ກະຊວງອຸດສາຫະກຳ ແລະການຄ້າ. ພາບ: vneconomy.vn |
ໃນໃລຍະ 2026-2030 ໄດ້ຮັບການຕີລາຄາວ່າ ແມ່ນໄລຍະຫຼັກແຫຼ່ງ ເພື່ອໃຫ້ຫວຽດນາມ ມຸ່ງໄປເຖິງເປົ້າໝາຍກາຍເປັນສູນສົ່ງອອກການຄ້າເອເລັກໂຕນິກ ຂອງພາກພື້ນ.
ໂດຍ: ທອງສີ ສຸຕິວົງ