ມີຜູ້ເສຍຊີວິດ ແລະຫາຍສາບສູນກວ່າ 40 ຄົນ ພາຍຫຼັງພາຍຸ ບົວລອຍ
ໄລ່ຮອດເວລາ 11 ໂມງຂອງຕອນບ່າຍວັນທີ 30 ກັນຍາ, ພາຍຸບົວລອຍ ແລະ ຝົນຕົກນ້ຳຖ້ວມ, ລົມໃຕ້ຝຸ່ນດິນເຊາະເຈື່ອນ ໄດ້ເຮັດໃຫ້ມີຜູ້ເສຍຊີວິດ ແລະ ຫາຍສາບສູນກວ່າ 40 ຄົນ, ເຮືອນຊານຂອງປະຊາຊົນນັບແສນຫຼັງຖືກເປ່ເພ, ເສຍຫາຍ; ເນື້ອທີ່ເຂົ້າ ແລະພືດພັນທັນຍາຫານນັບໝື່ນເຮັກຕາຖືກນ້ຳຖ້ວມ; ເນື້ອທີ່ປູກລ້ຽງສິນໃນນ້ຳເກືອບ 7.300 ເຮັກຕາຖືກເສຍຫາຍ, ລະດັບຄັນຄູ, ແຄມແມ່ນ້ຳ, ແຄມທະເລກວ່າ 6.400 ແມັດ ຖືກເຊາະເຈືື່ອນ… .; ບັນດາແຂວງ ຄື ແທັງຮວ໊າ, ເງະອານ, ຮ່າຕິງ, ກວາງຈິ ບໍ່ມີໄຟຟ້າໃຊ້ເປັນວົງກວ້າງ.
ຍ້ອນຖືກຜົນກະທົບຫຼັງພາຍຸບົວລອຍ, ຂະແໜງລົດໄຟຫວຽດນາມ ຕ້ອງຢຸດຕິການເຄື່ອນໄຫວຂອງຖ້ຽວລົດໄຟຈຳນວນໜຶ່ງໄວ້ຊົ່ວຄາວ ເພື່ອຮັບປະກັນຄວາມປອດໄພ.
ຕໍ່ໜ້າຜົນເສຍຫາຍຍ້ອນພາຍຸ ບົວລອຍ ກໍ່ຂຶ້ນ, ທ່ານ ຫວໍຈ້ອງຫາຍ ປະທານຄະນະກຳມະການປະຊາຊົນແຂວງຮ່າຕິງ ສະເໜີໃຫ້ລະດົມກຳລັງຢູ່ກັບທີ່ ຍົກຍ້າຍບັນດາຄອບຄົວຢູ່ໃນເຂດທີ່ມີຄວາມສ່ຽງຖືກດິນເຊາະເຈືອນ ຢ່າງຮີບດ່ວນ.
    |
 |
|
ພາຍຸບົວລອຍ ໄດ້ສົ່ງຜົນກະທົບຢ່າງໜັກໜ່ວງ ຢູ່ຫຼາຍແຂວງຂອງຫວຽດນາມ. ພາບ: ຈ້ອງຮຸ່ງ |
ໃນຂະນະນັ້ນ, ຢູ່ພາກເໜືອ, ຜົນກະທົບພາຍຫຼັງພາຍຸບົວລອຍ ໄດ້ກໍ່ໃຫ້ເກີດຝົນຕົກໜັກຢູ່ຫຼາຍແຂວງ, ນະຄອນ, ເຊັ່ນ: ຮ່າໂນ້ຍ, ຝູທໍ້, ຖາຍງວຽນ, ຕວຽນກວາງ, ລາວກາຍ. ເສັ້ນທາງຫຼາຍສາຍໄປຍັງບັນດາຕາແສງເຂດພູສູງ, ເຂດຫ່າງໄກສອກຫຼີກຂອງຫຼາຍທ້ອງຖິ່ນຖືກຕັດຂາດ, ສະພາບດິນເຊາະເຈື່ອນເກີດຂຶ້ນໃນໄລຍະຝົນຕົກ ແລະ ຫຼັງຝົນຕົກ.
ແຫຼ່ງຄັດຈາກ: vovworld.vn