ພາຍຸ Bualoi ພັດຖະຫຼົ່ມພາກກາງ ຫວຽດນາມ ໃນຕອນເຊົ້າວັນທີ 29 ກັນຍາ. ພາຍຸ ໄດ້ສົ່ງຜົນສະທ້ອນໂດຍກົງເຖິງບັນດາແຂວງຈາກ ແທັງຮວາ ຫາ ເຫ້ວ, ມີຫຼາຍເຂດເກີດຝົນຕົກໜັກໃນວັນທີ 27 ແລະ 28 ກັນຍາ, ໂດຍສະເພາະແມ່ນຢູ່ ກວາງຈິ້, ເຫ້ວ, ດ່ານັ້ງ ແລະ ແທັງຮວາ. ພາຍຸ, ຝົນຕົກ, ນ້ຳແກ່ງຖ້ວມໄດ້ເຮັດໃຫ້ຢ່າງໜ້ອຍສຸດມີເສຍຊີວິດ ແລະ ຫາຍສາບສູນ 5 ຄົນ.

ວັນທີ 28 ກັນຍາ, ທ່ານ ຟ້າມມິງຈິ້ງ ນາຍົກລັດຖະມົນຕີຫວຽດນາມ ໄດ້ເຊັນປະກາດໃຊ້ໂທລະເລກທາງການກ່ຽວກັບການສຸມໃສ່ຮັບມື, ແກ້ໄຂຜົນຮ້າຍຈາກພາຍຸ Bualoi ແລະ ສະພາບຝົນຕົກ, ນ້ຳແກ່ງຖ້ວມພາຍຫຼັງພາຍຸ. ໂທລະເລກຊີ້ແຈ້ງ ຮຽກຮ້ອງໃຫ້ບັນດາທ້ອງຖິ່ນເດັດດ່ຽວຜັນຂະຫຍາຍວຽກງານຮັບມື ເພື່ອຮັບປະກັນຄວາມປອດໄພທາງຊີວິດອິນຊີໃຫ້ແກ່ປະຊາຊົນ, ຈຳກັດຄວາມເສຍຫາຍດ້ານຊັບສິນຂອງປະຊາຊົນ ແລະຂອງລັດ.

leftcenterrightdel
ທະຫານຊາຍແດນໄດ້ລະດົມກຳລັງເພື່ອໜູນຊ່ວຍຮັບມືກັບພາຍຸ, ຝົນຕົກ.

ວັນທີ 28 ກັນຍາ, ທະຫານຊາຍແດນນະຄອນ ເຫ້ວ ໄດ້ລະດົມກຳລັງ, ພາຫະນະຢ່າງສຸດຂີດ ເພື່ອໜູນຊ່ວຍປະຊາຊົນຮັບມືກັບພາຍຸ, ຝົນຕົກ. ທ່ານພັນເອກ ເຈິ່ນມິນຕວ່ານ, ຮອງຫົວໜ້າການທະຫານ, ຫົວໜ້າເສນາທິການທະຫານຊາຍແດນນະຄອນ ເຫ້ວ, ໃຫ້ຮູ້ວ່າ:

“ກອງບັນຊາການທະຫານຊາຍແດນ ໄດ້ຊີ້ນຳໃຫ້ກຳລັງລົງໄປບໍລິເວນ, ສົມທົບກັບອຳນາດການປົກຄອງທ້ອງຖິ່ນ, ກຳລັງຕຳຫຼວດ, ທະຫານລາດປ້ອງກັນຕົວບັນດາຕາແສງ, ເພື່ອໜູນຊ່ວຍປະຊາຊົນ. ໄລ່ຮອດເວລາ 17 ໂມງຂອງວັນທີ 28 ກັນຍາ, ພະນັກງານ, ນັກຮົບ, ອຳນາດການປົກຄອງນະຄອນ, ບັນດາກຳລັງໄດ້ຍົກຍ້າຍ 1.428 ຄອບຄົວ, ກວ່າ 4.820 ຄົນໄປເຂດຫຼີກລ້ຽງພາຍຸ, ຮັບປະກັນຄວາມປອດໄພ”.

ແຫຼ່ງຄັດຈາກ vovworld.vn