ສະແດງຄວາມປິຕິຊົມຊື່ນເມື່ອມາຢ້ຽມຢາມ UAE, ທ່ານ ຫງວຽນຮວ່າບິ່ງ ໄດ້ສະແດງຄວາມຊົມເຊີຍຕໍ່ຜົນງານພັດທະນາຂອງ UAE ເວົ້າລວມ ແລະ Dubai ເວົ້າສະເພາະ, ພິເສດແມ່ນການພັດທະນາຕະຫຼາດການເງິນກັບ 2 ສູນການເງິນແຖວໜ້າຂອງພາກພື້ນ ແລະໃນໂລກ ແມ່ນ ຕະຫຼາດທົ່ວໂລກ Abu Dhabi (ADGM) ແລະສູນການເງິນສາກົນ Dubai (DIFC).

leftcenterrightdel
ທ່ານ ຫງວຽນຮວ່າບິ່ງ ຮອງນາຍົກລັດຖະມົນຕີຜູ້ປະຈໍາການລັດຖະບານ ແລະທ່ານ Maktoum bin Mohammed bin Rashid Al Maktoum ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ UAE. ພາບ: VGP

ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ UAE ຕີລາຄາສູງບັນດາຄວາມມານະພະຍາຍາມຂອງຫວຽດນາມ ແລະຢັ້ງຢືນຄວາມພ້ອມໃນການແບ່ງປັນປະສົບການ ແລະໜູນຊ່ວຍໃນການສ້າງສູນການເງິນສາກົນຢູ່ ຫວຽດນາມ.

ທ່ານ Maktoum bin Mohammed bin Rashid Al Maktoum ຢືນຢັນວ່າຈະຊຸກຍູ້ການໃຫ້ສໍາເລັດລະບຽບການອະນຸມັດ ໂດຍໄວ ເພື່ອໃຫ້ສັນຍາຄູ່ຮ່ວມມືເສດຖະກິດຮອບດ້ານລະຫວ່າງຫວຽດນາມ ແລະ UAE (CEPA) ມີຜົນສັກສິດໂດຍໄວ, ຜ່ານນັ້ນສືບຕໍ່ຊຸກຍູ້ການແລກປ່ຽນດ້ານການຄ້າຢ່າງແຂງແຮງ ແລະບັນລຸເປົ້າໝາຍຍົກວົງເງິນການຄ້າສອງຝ່າຍຂຶ້ນເປັນ 20 ຕື້ໂດລາສະຫະລັດ ຄືໄດ້ເຫັນດີເປັນເອກະພາບໃນໄລຍະໄວທີ່ສຸດ.

ສອງຝ່າຍເຫັນດີເພີ່ມທະວີການແບ່ງປັນບົດຮຽນໃນການກໍ່ສ້າງລະບົບນິເວດດຶງດູດທຶນສາກົນ, ເຄື່ອງມືດ້ານນິຕິກໍາ, ໜູນຊ່ວຍບຳລຸງສ້າງແຫຼ່ງຊັບພະຍາກອນມະນຸດໃຫ້ຫວຽດນາມ... ເພື່ອຍົກສູງການບໍລິການດ້ານການເງິນຢູ່ສູນການເງິນສາກົນ; ສົມທົບກັນຢ່າງຕັ້ງໜ້າເພື່ອຈັດຕັ້ງກອງປະຊຸມລົງທຶນ UAE - ຫວຽດນາມ ຢູ່ຫວຽດນາມ ໃນຕົ້ນປີ 2026 ສຳເລັດຜົນ.

ໂດຍ: ໄຊນີດາ