ຕາມທ່ານຮອງນາຍົກລັດຖະມົນຕີແລ້ວ, ກອງປະຊຸມແມ່ນບາດກ້າວເພື່ອຫັນຄຳໝັ້ນສັນຍາຮ່ວມເດີນທາງຂອງສອງຝ່າຍໃນການສົມທົບກັນກໍ່ສ້າງສູນການເງິນສາກົນຢູ່ຫວຽດນາມ ໃຫ້ປະກົດຜົນເປັນຈິງ; ເປັນຫຼັກຖານພະຍານກ່ຽວກັບການຮ່ວມມືຢ່າງແໜ້ນແຟ້ນ, ນັບມື້ນັບມີປະສິດທິຜົນລະຫວ່າງ ຫວຽດນາມ ແລະລາຊະອານາຈັກອັງກິດ.

leftcenterrightdel
ທ່ານ ຫງວຽນຮວ່າບິ່ງ ຮອງນາຍົກລັດຖະມົນຕີຜູ້ປະຈໍາການລັດຖະບານ ແລກປ່ຽນກັບບັນດາຜູ້ແທນທີ່ກອງປະຊຸມ. ພາບ: ສໍານັກຂ່າວສານຫວຽດນາມ.

ໂດຍເນັ້ນໜັກວ່າ ສູນການເງິນລອນດອນ ແມ່ນໜຶ່ງໃນບັນດາສູນການເງິນແຖວໜ້າທີ່ມີອິດທິພົນຊື່ສຽງໃນໂລກ, ທ່ານຮອງນາຍົກລັດຖະມົນຕີ ຫວັງວ່າ ຈາກກອງປະຊຸມຄັ້ງນີ້, ການນຳບັນດາກະຊວງ, ຂະແໜງການຂອງຫວຽດນາມ ແລະນະຄອນ ໂຮ່ຈີມິນ, ນະຄອນ ດ່າໜັງ ຈະໄດ້ຮັບຂໍ້ມູນຂ່າວສານອັນແທດຈິງ; ພ້ອມທັງຫວັງວ່າ ລາຊະອານາຈັກອັງກິດ ແລະສູນການເງິນລອນດອນ ຈະສືບຕໍ່ໜູນຊ່ວຍ, ຮ່ວມເດີນທາງກັບຫວຽດນາມ ໃນການແນະນຳບັນດານັກລົງທຶນ, ດຶງດູດແຫຼ່ງກຳລັງຈາກຝ່າຍລອນດອນ ເຂົ້າຮ່ວມຕະຫຼາດການເງິນຂອງຫວຽດນາມ.

ໂດຍ: ຈາງຫງວຽນ