ເລຂາທິການໃຫຍ່ ໂຕເລິມ ເຂົ້າຮ່ວມງານສະແດງສິລະປະ “ຈົດຈຳຄຳສັ່ງສອນຂອງປະທານໂຮ່ຈີມິນ - ສຽງທະຫານເຄື່ອນທັບດັງກ້ອງ”
ເນື່ອງໃນໂອກາດສະຫຼຸບ 10 ປີແຫ່ງການປະຕິບັດຄຳສັ່ງສະບັບເລກທີ 05 ຂອງກົມການເມືອງຊຸດທີ 12 ກ່ຽວກັບການຍູ້ແຮງການຮ່ຳຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ ໃນອົງຄະນະພັກກອງທັບ ແລະທົ່ວກອງທັບ, ຕອນຄໍ່າວັນທີ 3 ກໍລະກົດ, ຢູ່ຮ່າໂນ້ຍ, ອົງຄະນະພັກການທະຫານສູນກາງ, ກະຊວງປ້ອງກັນປະເທດຫວຽດນາມ ໄດ້ຈັດງານພົບປະແລກປ່ຽນສະແດງສິລະປະ “ຈົດຈຳຄໍາສັ່ງສອນຂອງປະທານໂຮ່ຈີມິນ - ສຽງທະຫານເຄື່ອນທັບດັງກ້ອງ”. ທ່ານເລຂາທິການໃຫຍ່ ໂຕເລິມ, ເລຂາຄະນະພັກການທະຫານສູນກາງ ໄດ້ເຂົ້າຮ່ວມ ແລະເປັນປະທານລາຍການພົບປະແລກປ່ຽນ.
    |
 |
|
ທີ່ງານພົບປະແລກປ່ຽນສະແດງສິລະປະ. ພາບ: qdnd.vn |
ທີ່ລາຍການ, ບັນດາຜູ້ແທນໄດ້ຮັບຊົມບັນດາຮູບພາບກ່ຽວກັບຜົນງານທີ່ພົ້ນເດັ່ນໃນໄລຍະ 10 ປີແຫ່ງການປະຕິບັດຄຳສັ່ງສະບັບເລກທີ 05 ຂອງກົມການເມືອງ ວ່າດ້ວຍການຍູ້ແຮງການຮ່ຳຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ, ຮັບຟັງການແບ່ງປັນບັນດາເລື່ອງລາວຂອງໝູ່ຄະນະ, ສ່ວນບຸກຄົນດີເດັ່ນໃນການຮ່ຳຮຽນ ແລະປະຕິບັດຕາມປະທານໂຮ່ຈີມິນ ກ່ຽວກັບໜ້າທີ່ການເປັນແບບຢ່າງ, ການດຳລົງຊີວິດ, ຂະຫຍັນຂັນເຄື່ອນ, ປະຕິບັດພາລະໜ້າທີ່ບົດບາດເປັນຢ່າງດີ…
ລາຍການລວມມີບັນດາລາຍການສະແດງສິລະປະພິເສດ, ຍ້ອງຍໍສັນລະເສີນຄວາມຮັກຕໍ່ປະເທດຊາດ, ຍ້ອງຍໍສັນລະເສີນພັກ, ປະທານໂຮ່ຈີມິນ, ກອງທັບ.
ແຫຼ່ງຄັດຈາກ: vovworld.vn